TL – Indonezia Konkorda Ona Diskuti Fronteira Terestre

DILI, STLNEWS.co – Embaixador Indonezia iha Timor Leste (TL), Okto Dorinus Manik hateten, daudaun nee iha ona konkordansia ho Xefi Negosiador Prinsipal Delimitasaun Fronteira Maritima Xanana Gusmão, atu diskuti konaba fronteira terestre no marítima entre nasaun rua (2).

Kestaun nee reprezentante Governu Indonezia iha Timor Leste hatete, wainhira hasoru malu ho Xefi Negosiador Prinsipal Delimitasaun Fronteira Maritima, Xanana Gusmão iha Palasiu Governu, Sesta nee (13/05/2022).

“Konaba fronteira terestre nasaun rua nee, Xefi Negosiador Prinsipal Delimitasaun Fronteira Maritima Kay Rala Xanana Gusmão ho ami iha ona konkordansia, nunee tempu besik bele diskuti ona linha fronteira terestre entre nasaun rua,” dehan Embaixador Indonezia iha Timor Leste, Okto Dorinus Manik.

Reprezentante Governu Indonesia afirma, wainhira nasaun rua konsege rezolve ona linha fronteira terestre mak sei kontinua ba diskuti fronteira maritima.

“Negosiasaun fronteira terestre nasaun rua nee hotu, ita sei kontinua fronteira maritima no ita mos sei diskuti tan seluk, liu-liu konaba servisu hamutuk kooperasaun entre nasaun tolu (3), hanesan Timor Leste, Indonezia no mos Australia,” dehan nia.

Aleinde nee, iha sorumutu nee reprezentante Governu Indonezia nee mos kongratula Governu Timor Leste, neebe organiza eleisaun prezidensial iha tinan nee lao diak no liu husi dalan demokrasia.

“Tanba nee, hau apresia tebes ho rezultadu eleisaun iha Timor Leste neebe lao diak no hakmatek,” hakotu nia.

(alb)

1 COMMENT

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...