TL Presiza Prezensa Feto Iha Dezenvolvimentu

DILI, STLNEWS.co – Atu dezenvolve nasaun ba oin, Timor Leste presiza prezensa feto, tanba nee mak feto sira kontinua prepara an ou kapasita an hodi avansa ba oin.

Konsellu Fundador Redi Observasaun Nasional Elisoens Timor Leste (RONETIL), Laurentino Alves ba STL liu husi telefone Tersa nee (21/09/2021) hatete, ba oin feto kandidata an ba iha Prezidente Republika tinan 2022-2027, nee mos importante, tanba nasaun Timor Leste presiza feto, no feto mos iha diretu hanesan ho mane sira.

“Timor Leste presiza prezensa feto no mane hotu, tanba nee atu kandidata an ba iha prezidente mos bele, tanba lei garante, importante mak prienxe kriteria ou rekezitu artigu 75 Konstituisaun Republika Demokratika Timor leste nia,” dehan Laurentino.

Nia informa, feto sira presiza prepara an, tanba lei rasik mos garante hela diretu feto nia. Tanba nee feto sira tenke prepara an ho esperiénsia, no tuir nafatin formasaun oin – oin atu bele avansa ba oin nafatin, tanba Timor Leste presiza feto nia involvimentu.

Nunee mos, tuir Deputada Bankada CNRT, Veneranda Lemos hatete, tuir nia haree governu anterior feto ativu tebes.

“Tuir hau nia opiniaun konaba partisipasaun feto iha dezenvolvimentu, kerdizer iha setor hotu – hotu bele, dehan katak komparandu ho governasaun anteriores mais aktivu, la presiza hau fo komentariu, maibe povu tomak akompana i komunidade enjeral mos akompana, oinsa feto nia partisipasaun iha setor dezenvolvimentu hotu – hotu,” hakotu nia.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...