TL Seidauk Tempu Ba Expo Dubai

DILI, STLNEWS.co – Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee seidauk tempu atu partisipa iha expo nee.

Deputada bankada CNRT Carmelita Moniz katak, tetu didiak lai situasaun rai laran, tanba povu barak agora halerik.

“Do que ita lakon millaun ba expo nee, maibe ita tenke tetu antes ba. Tanba situasaun agora povu barak mak laiha hahan, susar ba osan, neebe ba hau hanoin privada katak agora Expo Dubai nee presiza tetu didiak lai, tanba Dubai nee nasaun neebe kustu karun tebes, tanba nee tempu seidauk oportunu ba expo nee tanba haree ba ita nia situasaun rai laran,” katak Carmelita ba jornalista, Tersa (15/06/2021) iha PN.

Tuir nia, diak liu haree lai situasaun povu, i selu lai dívidas ba kompania sira neebe agora laos prioridade, tanba tenke haree ba vantajen ho desvantajen, tanba agora situasaun covid nee ema barak sei lapartisipa.

Entretantu hatan ba kestaun nee, Deputadu Bankada PLP, Francisco Vasconcelos hatete, kona ba Expo Dubai nee ema hotu koalia, maibe asuntu ida nee, laos foin atu hahu, uluk Timor mos partisipa iha Expo Milano, i tinan hira mai tan sei iha tan Expo Brazil. Neebe depende Timor hakarak hili ida neebe, tanba hakarak ka lakohi nuudar nasaun tenke promove an.

“Los duni katak nasaun hotu iha defikuldade rai laran nee barak, maibe atu promove an nudar nasaun nee presiza, hodi lori produtu lokal sira neebe sai identidade Timor nian nee mak lori ba. Neebe expo nee, atu nasaun kiak ka nasaun riku, hotu-hotu ba partisipa, hodi hatudu ida-idak nia identidade no situasaun aktual, neebe labele taka an,” katak Vasconcelos.

Nia katak, ho situasaun agora seidauk oportunu ba Expo Dubai, maibe presiza konsentra lai ba situasaun atual, ida nee agora governu halao hela, hanesan sesta bazika, programa rekoperasaun ekonomia, subsidiu famíliar, nunee mos regras ba prevensaun covid mos lao hela. Neebe razaun tanba covid atu la ba Expo Dubai nee labele, tanba expo nee interese estadu, laos lori partidu no grupu nian.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: