TMR: Laiha Razaun Hapara Expo Dubai

DILI, STLNEWS.co – Primeiru Ministru Taur Matan Ruak hatete, laiha razaun atu hapara Expo Dubai, presiza kontinua nafatin tanba prosesu nee deskute lori tempu naruk.

Primeiru Ministru Taur Matan Ruak hatoo kestaun ba jornalista, bainhira remata hasoru malu ho Prezidente Republika, Francisco Guterres Lú Olo iha Palasiu Prezidente, Kinta (10/06/2021)

“Prosesu nee prosesu kleur nia antes hau Primeiru Ministru, primeiru enkontru ke hau halo trata asuntu ida nee neebe ita lao naruk tiha ona ita lahatene ita investe tempu investe rekursu ona, derepente too dalan klaran ita hakotu nee hau lahatene prosesu ke naruk. Tuir hau nia hanoin se laiha razaun ba ita hapara, ita mantein prosesu ida nee tamba deskute kedas primeiru segundu hau sai Primeiru m
Ministru.” hatete PM Taur.

Xefe Governu hatutan, tinan barak ona investe tanba nee mak lafasil atu deside buat neebe mak derepente kansela nee susar. Partisipasaun Timor leste ba Expo Dubai nee parte ida oinsa nasaun seluk mos bele koinese mos Timor Leste.

“Normalmente partisipasaun nasaun sira hanesan nee mais prosesaun internasional halo ema koinese ita nia rai, Timor nee iha neebe, Timor oinsa, nee hanesan mos ita familia sira ita namora ema nia oan ita buka koinese ema nia inan aman nee hela iha neebe, sira halo saida, lisan husi neebe ita koinese malu, ida nee mos hanesan Timor hakarak projetu nia an ba media oriente ema koinese, ita iha familia CPLP koinese, maibe iha fatin seluk ita lori ita nia sasan ita halo promosaun ba ita nia rai ida nee diak” hatete PM.

Taur hatutan nia mos lembra sei Jeneral, uluk lori kartaun travel no PM ba Singapura ema lakonese no lahatene Timor iha neebe buka fali husi mapa.

“Dala ruma ita boot sira ba viajen iha Europa neeba, dala ruma nee ema husu Timor hela iha neebe tanba ema lahatene ita nia rai kiik oan, karik koalia Amerika ema hatene tanba mundu koinesidu, maibe ita rai kiik nee ema lakoinese entau momentu hanesan nee mak partisipa ema bele koinese ita nia bandeira, no ema husu mai husi neebe, rai nee oinsa, populasaun hira, nia ekonomia nee nus,a bandeira nusa, sa tinan mak ukun an, nia istoria halo nusa” katak nia.

Kona ba Timor Leste Partisipa iha Expo Dubai, tempu badak Prezidente Republika, Francisco Guterres Lú Olo mos sei hatoo mensajen ruma.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: