Trabalhador TL Mate Iha Nasaun Seluk Labele Lori Mai

DILI, STLNEWS.co – Sidadaun Timor Leste neebe mak buka moris ou serbisu iha nasaun seluk hanesan Inglatera no Korea neebe mate labele lori sira nia isin mai, tanba problema laiha voo.

Kestaun nee hatoo husi Vise Ministru MNEK, Julião da Silva ba jornalista bainhira partisipa tomada de posse ba Embaixador sira, iha palasiu Prezidensial Nicolau Lobato, Bairru Pite, Dili, Tersa (13/07/202).

“Hau fo ezemplu semana no fulan ida ba kotuk sidadaun ida mate iha Inglatera so ke ita nia problema mak laiha voo segundu ema Lockdown, entaun sidadaun sira neebe mak mate hakoi deit iha ema nia nasaun, agora ita nia esforsu no familia sira mai esforsu tenta parte ita nia Timor laiha problema, soke voo sira neebe sira liu nasaun neebe mak sira transit dala ruma la autoriza entaun nee ita susar oituan,” hatete governante nee.

Nia hatutan kona ba sidadaun ou tranbalhador nain hira mak mate Vise Ministru hatete, nia ladun hatene, tanba nee presiza husu ba protokulu MNEK nia.

“Nee so imi husu ami nia protoku mak hatene, tanba sira mak simu diretamente sua exelensia Ministra, hau so autoriza deit aviaun neebe mak tama no aviaun neebe mak mai. Ida nee bele husu iha konsoladu protokolu tanba sira nee mak simu,” katak nia.

Nia hatete ema mate nee labele dehan maizumenus hira, maibe presiza fiksu ou numeru serteza no sira neebe mak mate balun hakoi ona iha ema nia rai no balun, tau iha konjelador nee depende ba nasaun neebe liu mai Timor leste.

Iha fatin hanesan Embaixadora TL ba Nova Zelandia, Felicidade Guterres hatutan oras nee iha Covid-19, nia mos koko atu ajuda mos estundante sira neebe husi Xina ba Nova Zelandia.

“Nunee mos iha Covid nia laran nee sira mos fo apoiu ba estudantes sira neebe mai husi Xina neebe mak atu mai Nova Zelandia ladiak, ajuda no país neebe ke importante mos ba Timor tanba sempre iha ba Timor kuandu presiza,” katak nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...