Transformasaun FALINTIL Ba F-FDTL, Presiza Kaer Metin Prinsipiu Eroi Sira

DILI, STLNEWS.co – Loron 2 Fevereiru, loron transformasaun FALINTIL ba Forsa Defeza Timor Leste (FDTL), ne’e lori prosesu mai to’o ohin loron hodi liberta patria, tanba ne’e ba oin presiza atu liberta povu, tanba ne’e kaer metin prinsipiu eroi sira nian katak mate ka moris ukun rasik aan.

Kestaun nee hatoo husi Veteranus Ete-Uco ba STL, Sesta (02/02/2024) bainhira hasoru iha Parlamentu Nasional (PN).

“Uluk ita iha prinsipiu ida katak, mate ka moris ukun rasik aan, ne’e prinsipiu ida sagradu, ita labele diskute, maibe ita ukun aan tiha ona atu banati tuir ita nia eroi sira ne’e sei difisil, tanba ita nia joven sira agora ne’e ladun unidade ka solidu, tanba nee hau husu atu ita nia joven sira banati tuir nafatin eroi sira nia prinsipiu ba ukun,” katak Veteranus Ete-Uco.

Nia dehan maske nune’e, maibe hotu-hotu presiza esforsu aan, tanba ba diak nasaun nian no povu, mai hamutuk unidade nafatin, lao tuir eroi sira nia ain fatin.

Tuir veteranus ne’e katak, ho loron transformasaun ne’e, mai dignifika nafatin eroi sira nia luta, tanba lori prosesu ida naruk, i barak mak sakrifiika aan ona.

(gui)

LEAVE A REPLY

Please enter your comment!
Please enter your name here