Tranzitu Dili Rejista Asidente Trafiku 26, Nain 2 Mate

DILI, STLNEWS.co – Komando Polisia Nasional Timor Leste (PNTL), liu husi Seksaun Polisia Tranzitu Munisipiu Dili, durante semana ida rejista kazu asidente trafiku iha kapital Dili hamutuk 26, rezulta ema nain 2 mate.

Komandante Tranzitu Munisipiu Dili Inspetor Xefe Domingos Gama hatete, durante semana ida, hahu iha loron 18 to’o 26, seksaun tranzitu Dili rejista Kazu asidente trafiku iha kapital Dili hamutuk 26, hodi rezulta ema nai 2 mate.

“Iha loron sia (9), ita rejista Kazu asidente trafiku iha kapital Dili hamutuk 26 hodi rezulta ema nain 2 lakon vida,” dehan Domingos Gama ba jornalista sira iha knaar fatin Calikoli, Dili, Tersa nee (28/09/2021).

Nia hatete, asidente trafiku ne’e akontese hodi rezulta ema nain 2 mate, ne’e akontese iha loron 26 to’o 27 fulan Setembru iha Rai Kotu no Metinaro.

“Segunda madrugada horiseik mak ita rejista asidente trafiku fatal rua, ida iha Domingu loron 26/09/2021 tuku 12:10 kalan, oras akontese asidente ida iha rotunda Raikotu, no ida iha area Metinaro horiseik tuku 6:20 dader mate fatin,” dehan nia.

Tanba nee, kazu asidente trafiku rua ne’e rezulta ema mate iha hela prosesu, depois kontinuasaun ba Ministeriu Publiku, sei to’o ba iha tribunal hodi hetan desizaun ikus.*

Reportajen: Efizenia da Costa

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...