Trava Atividade Igreja; Instituisaun Governu Balu La Kumpre Regras

DILI, STLNEWS.co – Governu implementa Estadu Emerjensia (EE), Serka Sanitaria (SS) no Komfinamentu Obrigatoriu (KO), nunee parte seguransa trava atividade igreja, maibe iha parte seluk instituisaun governu balu la kumpre regras, ida nee hanesan situasaun ditadura.

Lamentasaun nee hatoo husi Vice Bankada CNRT, Deputadu Patrocino Fernandes ba jornalista Kuarta (19/05/2021) nee iha bankada CNRT Parlamentu Nasional (PN).

“Situasaun agora, implementa hela EE, SS no KO, hodi hapara atividade igreja nian, tanba atu kumpre regras, maibe iha parte seluk instituisaun governu hanesan Ministeriu Solidariedade no programa sesta bazika la kumpre regras, haree ba situasaun nee mak ohin ami hatais metan atu hatudu katak ita nia demokrasia mate tiha ona, no ditadura mak agora dadaun lao hela. Ema sira neebe mak hamrook ba poder, tanba nee halo buat hotu tuir sira nia gostu,” lamenta Patrocino.

Iha parte seluk mos, governu kansela atividade 20 de Maiu, tanba razaun EE, SS no KO, maibe ida nee governu laiha razaun tanba haree ba realidade iha Ministeriu Solidariedade, nunee mos konsentrasaun sesta bazika eglomera ema barak tebes, buat sira nee bele lao, maibe 20 de Maiu kansela ba komemorasaun, nee intensaun governu saida.

Hatan ba kestaun nee Francisco de Vasconcellos, deputadu PLP husi bankada governu, hatete, haree ba regras seguransa trava atividade igreza, maibe iha parte seluk instituisaun governu balu halibur trata dokumentus no simu sesta bazika, ida nee atu hatete katak implementasaun regras nee kada instituisaun sira balu mak dalaruma halo violasaun ba regras sira nee iha.

Enkuantu liga ba igreja tuir hirarkia nee amu papa deside ona atu suspende atividade igreja.

“Los duni iha ministeriu balu halibur ema barak, lalika ministeriu deit, maibe iha merkadu balu sidadaun sira lauza masker no butuk,” nia rekonese.

Maibe tuir nia, ida nee laos governu laiha kapasidade atu jere situasaun sira nee, fo ezemplu deit, haree ba nasaun sira barak ema mate barak nee, se mak iha kapasidade.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: