Travaun Ladiak, Kareta F-FDTL Hetan Asidente Iha Becora

DILI, STLNEWS.co – Kareta Falintil-Forsa Defesa Timor-Leste (F-FDTL) hetan asidente iha tuku 11:30 meudia iha Rotunda Becora, tanba travaun lafunsiona ho diak.

Tuir sasin António da Costa dehan, nia tula tia atu ba Dili ho kareta sedan marka nissan, ho sapa matrikula A.23-152 halai uluk, depois kareta F-FDTL tuir husi kotuk. Antes mosu asidente nia rona alarme ida husi kotuk, nia haree husi espellu, kareta militar ida halai lansadu, travaun mos lafunsiona ho diak, tanba nee soke uluk has hun ida, depois kondutor baku sai fali bolante hodi kose tan nia kareta,” deklara António da Costa ba jornalista sira iha fatin akontesimentu Rotunda Becora, Dili, Segunda nee (06/09/2021).

“Hau tula hau nia tia husi Hera atu ba Dili, ami ho F-FDTL nia kareta dirasaun ida, maibe hau halai uluk to,o iha Rotunda Becora, hau rona klakson makaas husi kotuk, hau haree iha espellu kareta militar ida halai makaas, hau mos tenta halai makaas para atu hadook an, maibe la konsege, kareta militar nee antes kose hau nia kareta, nia soke uluk has hun boot ida, depois kondutor baku sai bolante mak kose fali hau nia kareta,” dehan nia.

Antonio hatutan, Membru FFDTL neebe iha kareta laran nee hamutuk nain tolu (3), iha akontesementu nee lá rezulta ema lakon vida, maibe membru F-FDTL ida mak kondisaun grave, komunidade sira tula ho kareta privadu lori ba Hospital Nasional Guidu Valadares (HNGV) hodi halo tratamentu.

Nia parte  la fo sala ba ema ida, maibe ho haraik an husu ba parte F-FDTL atu responsável hodi hadia fali nia kareta neebe aat ona.

Entretantu observasaun jornalista STL iha terenu haree katak, kondisaun kareta komunidade nia aat kaman iha parte karuk, maibe kondisaun kareta F-FDTL nia aat grave.*

Reportajen: Donaciano Magalhães

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: