Tribunal Atende Kazu Urjente

DILI, STLNEWS.co – Ho konfinamentu obrigatoriu neebe implementa iha rai laran halo intituisaun balu la halao servisu, maibe tribunal kontinua serbisu hodi atende kazu urjente. Dehan Juiz Administrador Tribunal Distrital Dili, Afonso Carmona ba STL, iha TDD, Segunda (05/05/2021).

“Governu lao, Parlamentu lao, Prezidente lao, tribunal mos lao, maibe ita atende kazu urjente deit. Tanba nee ohin hau hasai fali orariu foun signifika katak, nee orariu urjente nian,” dehan Afonso.

Nia hatutan, orariu normal iha tiha ona husi fulan Janeiru too Dezembru, maibe mosu fali konfinamentu obrigatoriu halo fali orariu foun.

Tanba nee tribunal kontinua halao nia servisu hodi atende kazu urjente, kazu normal la lao tanba ema neebe mai tuir julgamentu mos labele mai.

Konfinamentu obrigatoriu, polisia sira halao sira nia knaar hodi hare ema labele lao arbiru, se la iha asuntu neebe urjente. Tuir regra normal ema neebe labele mai iha tribunal bele kondena ho multa, maibe ho situasaun ida nee fasilita sira se sira la mai la iha kulpa ka multa husi sira.

“Kuandu situasaun kontinua hanesan nee, sempre afeta ba serbisu neebe iha, tanba nee ita nia trajeitu neebe tuir populasaun nia hakarak tribunal atu aselera prosesu, tribunal prepara tiha ona, maibe situasaun ida nee lao hela hanesan nee, nia impaktu nee boot kazu pendente barak, maibe nia pendente tanba situasaun ida nee,” dehan nia.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Xanana Husu Joven Kria Pás & Estabilidade

DILI, STLNEWS.co - Lider nasional Kay Rala Xanana Gusmão husu ba joven iha Bairo Moris Foun C, Santo Antonio Comoro atu kria pás no...

Asosiasaun Emprezariu Xineza Apoiu Material Konstrusaun Ba BOP

DILI, STLNEWS.co - Ekipa voluntariu Mama Bolu Timor-Leste parseria ho Asosiasaun Emprezariu Juventude Xineza Timor oan apoiu material konstrusaun ba Batallaun Orden Públika (BOP)...

PR Ho Espoza Vizita Eko Turismo Sentru Estudu Mangrove

DILI, STLNEWS.co - Prezidente Republika Francisco Guterres Lú Olo no nia espoza ohin Domingu (01/08/2021) halo vizita ba fatin eko-turismu Sentru Estudo Mangrove, Hera. Iha...
%d bloggers like this: