Tribunal Halo Julgamentu Tenke Tuir lei

DILI, STLNEWS.co – Prezidente Republika Francisco Guterres Lú Olo husu ba tribunal, bainhira hakotu lia ho povu nia naran labele sai deit konseitu demokratiku abstratu, maibe tenke halao duni. Laos deit atu tesi-lia ba kazus, maibe implika mos katak julgamentu sira nee tenki tuir dalan lei nian.

Liu husi diskursu iha Palasiu Prezidente Kinta (29/04/2021) nee, Xefe Estadu Lú Olo hatete, tuir artigu 118, numeru ida (1), konstituisaun republika hatete, tribunal sira hanesan orgaun soberania no ho kompentensia atu administra justisa ho povu nian naran.

“Hakotu lia ho povu nia naran labele sai deit konseitu demokratiku abstratu, maibe tenke halao duni. Laos deit atu tesi-lia ba kazus, maibe implika mos katak julgamentu sira nee tenki tuir dalan lei nian, no sei reprezenta prosesu jeral tomak ida neebe sei asegura identidade povu nian ho tribunal sira. Ida nee implika katak dezisaun sira nomos rezultadu julgamentus tribunal sira nian, tenki fo sai ba publiku ho fundamentu iha direitu, no sein prejuízu ba segredu justisa nian, tuir lei haruka,” katak nia.

Nia hatutan, fo hatene signifika, purezemplu katak akordaun sira husi tribunal rekursu ho forsa obrigatoria jeral, tenki publika sistematikamente iha jornal republika.

Tribunal Distrital sira mos tenki permite asesu ba sidadaun sira, feto no mane, atu iha konesimentu ka hatene mos sira nia movimentu sira neebe iha karater publiku. Ida nee implika katak Tribunal Judisial sira mos sei halo sorumutuk ho reprezentantes suku no aldeia sira, atu haklaken sira nia misaun no fo hatene mos rezultadu ein-jeral konaba sira nia atividade, no apela ba ema hotu atu fo kontribuisaun no kolaborasaun atu fo apoiu ba kumprimentu sentensa, apoiu ba sira-nia rekuperasaun no bainhira simu hikas fali sira iha komunidade nia laran.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: