DILI, STLNEWS.co – Ema tuir Jesus hewai nia aan ho sakrifisiu, simu terus oin-oin, tanba tuir Jesus fo duni salvasaun.
Liafuan nee haktuir husi Vigariu Parokia São Jose Aimutin, Padre Kristian Dook, bainhira abertura retiru Movimentu Renovasaun Karismatiku Katoliku (MRCC – sigla portugues) iha Parokia São Jose Aimutin, Sesta horiseik (05/08/2023).
Iha omelia padre hatete, hakbesik liu ba Jesus tentasaun barak, maibe bainhira dook husi Maromak tentasaun laiha, entaun diabu mak manan, maibe kuandu iha problema nia laran tenki buka Maromak.
Se hakarak soin moris, presiza neon ho laran barani atu fo sasin konaba Maromak futar lia fuan, sai sasin Espiritu Kristu nian, barani haklaken Maromak Nia futar lia fuan.
Depois de misa kontinua kedas retiru Dicerment spirit (Pembahasan Roh) husi Padre Kristian Dodok, CMF partisipa iha retiru nee membru Karismatiku Parokia Sao Jose Aimutin, inklui Karismatiku Parokia Santo Antonio Motael.
(joa)
