Udan Boot, Bee Nalihun Iha Komunidade Nia Uma Laran

Relasiona ho udan boot neebe akontese horisehik kalan too ohin loron, komunidade Aldeia 20 Setembru, Suku Bebonuk, bee nalihun iha komunidade nia uma laran, impaktu husi bee dalan laiha. (Foto: STL/Joaninha Belo)

DILI, STLNEWS.co – Relasiona ho udan boot neebe akontese horisehik kalan too ohin loron, komunidade Aldeia 20 Setembru, Suku Bebonuk, bee nalihun iha komunidade nia uma laran, impaktu husi bee dalan laiha.

Tuir observsaun STL iha terrenu nota katak komunidade uma tolu mak bee nalihun iha uma laran, tanba bee dalan laiha, bee hamutuk iha fatin ida, hodi nunee afeta ba sira nia uma.

Komunidade balun kalan la toba tanba tauk, balun hasai sira nia sasan tau hela iha vizinus sira nia uma, tanba bee tama too uma laran. Too oras nee sira kee bee dalan atu nunee bele suli sai, maske iha udan laran maibe lasente malirin, vontade nafatin ho maluk sira seluk ajuda malu no meius oin-oin atu nee bee sai.

Udan nee afeta ba komunidade maibe sasan sira la estraga, tanba idak-idak haloot no tau fatin neebe aas, feto mane badinas dasa bee no hili foer ba soe, ema ho tauk hakmatek iha uma.*

Reportajen: Joaninha Belo
Editora: Josefa Parada

LEAVE A REPLY

Please enter your comment!
Please enter your name here