UDT Hakarak Figura Ba PR Independen, Mundu Konese, Hadia Situasaun

DILI, STLNEWS.co – Partidu Uniaun Demokratika Timorense (UDT) hakarak figura neebe atu sai Prezidente Republika, tenke ema independen no mundu konese, enkuantu atu deside kandidatu ba Eleisaun Prezidensial, UDT rasik sei hein besik eleisaun no konferensia mak deside.

Tuir Prezidente Bankada UDT Francisco David Carlos hatete, relasiona ho preparasaun ba eleisaun prezidensial, husi parte UDT planu to’o agora seidauk atu deklara hamriik hodi apoiu ba kandidatu se mak avansa ba eleisaun prezidensial.

“Maibe ami hein hela no ami hakarak figura neebe independen no mundu konese, hodi bele hadia situasaun, tanba agora ita iha faze krize politika no mos Covid-19, tanba nee tenke iha lideransa. I prezidente tenke ema neebe mak buka meius atu rezolve situasaun, no ema nee mundu tomak hatene atu bele hadia nasaun,” katak Francisco David Carlos ba STL, Sesta nee (26/11/2021).

Nia afirma, prezidente mai nee tenke ema imparsial, husik nia partidu no hanoin deit ba interese nasional, ida nee mak UDT nia hanoin.

Enkuantu, UDT rasik iha baze forma estrutura, fokus ba tinan 2023, tanba iha koligasaun iha asentu ida neebe, oinsa atu bele hetan kadeira barak liu tan.

Iha parte seluk, Deputadu Bankada CNRT Arão Noe hatete, CNRT estrutura preparadu, agora halao ona konferensia iha nivel postu iha munispuiu 12 no RAEOA, agora prepara atu ba konferensia nivel munisipal, depois ba konferensia nasional hodi deside, buat rua, kandidatu ba eleisaun prezidensial tinan 2022, nunee mos prepara programa ba kongresu nian atu aprova estatutu.

Neebe tuir planu konferensia nasional nee molok fulan Janeiru tinan oin tenke iha ona desizaun, depois mak hakat ba kongresu nasional.

(gui)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...