Ukun An Tinan 20, Laiha Relatoriu Ba Progrseu Dezenvolvimentu

DILI, STLNEWS.co – Tinan 20 ona Timor Leste hetan nia liberdade ukun rasik an, maibe to’o agora laiha relatoriu ida ba progresu dezenvolvimentu rai laran, la hatene atu koalia saida mak halo ona, no saida mak seidauk halo.

“Uluk koalia ona vizaun vinte – vinte, maibe ohin loron se mak koalia konaba ida nee, ema hotu koalia deit planu estratejia, la koalia konaba vizaun vinte, tanba nee mak to’o agora ita rasik la hatene’ ita nia ekonomia nee to’o iha neebe, ita nia ukun ne’e lao oinsa no ita nia instituisaun sira nee funsiona ho diak ka lae, dala ruma ita la hatene, tanba laiha relatoriu no governu mos la koalia,” dehan Deputadu Antonio da Conceicao ba STL Segunda nee (27/09/2021) iha Parlamentu Nasional.

Nia afirma liu tan, lolos governu tenke sukat nasaun ne’e ukun an tinan 20 ona, saida mak halo ona, no saida mak presiza hadia iha tinan 5 ou 10 mai, tanba ne’e atu ultrapasa problema sira ne’e hotu mak, presiza relatoriu durante tinan 20 ukun an nee.

“Uluk primeiru governu hahu ho planu vizaun 2020 laos tinan mak 2020, maibe vizaun 2020 atu hanoin restaurasaun ba ukun an, ne’ebé adopta iha tinan 2002, agora 20 anos ona laiha ema ruma koalia konaba progresu, no dezafiu ne’ebé nasaun ida nee hasoru durante tinan 20 nia laran, laiha ema ida atu koalia konaba vizaun ne’e, lolos governu tenke sukat ona dezenvolvimentu lao to’o iha ne’ebé, ekonomia povu lao oinsa,” dehan deputadu nee.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...