Uluk Bolu Kompadre, Agora Hirus Malu

Uluk Sekretariu Jeral Partidu, Fretilin Mari Alkatiri ho Prezidente Partidu CNRT Xanana Gusmão bolu malu kompadre. Agora Mari halo dimistifika hasoru lideransa Xanana Gusmão nee tanba saida. Kestaun nee hatoo husi Xefe Bankada CNRT, Duarte Nunes, ba jornalista iha Parlamentu Nasional, Kinta (10/12/2020). (Dok: STL)

DILI, STLNEWS.co – Uluk Sekretariu Jeral Partidu, Fretilin Mari Alkatiri ho Prezidente Partidu CNRT Xanana Gusmão bolu malu kompadre. Agora Mari halo dimistifika hasoru lideransa Xanana Gusmão nee tanba saida. Kestaun nee hatoo husi Xefe Bankada CNRT, Duarte Nunes, ba jornalista iha Parlamentu Nasional, Kinta (10/12/2020).

Tuir Duarte katak, kona-ba Sekretaria Jeral Fretilin dimistifika figura Xanana Gusmão, ida nee atu dehan katak sira hatun malu. Maibe Mari ho Xanana uluk dehan kompadre, neebe sira riba malu iha tempu liu ona nee normal. Agora ho situasaun ida hanesan nee lahatene tanba saida Mari hirus Xanana.

Uluk dehan sira nain 2 kompadre maibe ikus nee sira hirus malu. Maun Mari mak odiu maun Xanana, maibe maun Xanana nonok hela. Nunee mos, Xanana kuandu halo atividade ida, Mari sempre preokupa loos. Hanesan asaun karitativa Xanana halo, Mari trata loos, agora ema moras mos nian kontinua trata ida nee nian intensaun saida? Tuir lolos halo tok klarifikasaun tama saida Mari hirus Xanana. Haree ba atitude sira hanesan nee maibe hanesan reprezentante kuandu koalia ho Timor bele hamutuk maibe realidade laiha.

“Hau fo ezemplu se mane ida atu ba namora feto ida, maibe loroloron o trata hela deit feto nee, oinsa nian gosta o,” katak Duarte.

Relasiona ho kestaun nee STL koko konfirma ho parte Fretilin liu husi Vise Bankada Fretilin, Josefa Alvares maibe nia laiha komentariu. Nia dehan deit kestaun kona-ba Sekjer Fretilin ho Xanana, sira laiha kompetensia atu koalia. Kompetensia nee Mari rasik ho Xanana, tanba nee nian parte labele koalia.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here