Uma Kain 600 Kontinua Hela Iha Sentru Vokasaun

DILI, STLNEWS.co – Sekretariu Estadu Protesaun Sivil (SEPS), Joaquim Gusmão, informa relasiona ho inundasaun neebe akontese, too agora uma kain hamutuk atus neen (600) maka kontinua hela iha lona okos, tanba sira laiha uma no hetan estragus total husi dejastres naturais ou inundasaun.

Sekretariu Estadu Protesaun Sivil (SEPS), Joaquim Gusmão hatete, ba sira neebe maka too agora sei hela iha sentru vokasaun nee, tanba sira nia uma la existe tiha ona, uma mota lori hotu i bee sobu hotu, tanba nee maka sira sei hela iha sentru vokasaun nee.

“Total uma kain atus neen (600) maka sei hela iha sentru vokasaun nee, i uma kain lubuk ida maka sei hela iha neeba, hanesan iha sentru evakuasaun Dom Boscu, Asrama Canossiana Hera, Igreja Paroquia Hera, sentru evakuasaun sede suku Manleuana, Metiaut, ou sentru vokasaun Rate Ain,” dehan nia ba jornalista iha nia knaar fatin Caikoli, Dili, Sesta (25/06/2021).

Nia dehan, bainhira vitima sira iha uma seluk, ka iha rai seluk neebe maka laiha problema entaun sira bele fo ajudus ba sira, nunee bele apoiu mos material sira hanesan semente, besi, ka sasan sira seluk neebe maka uza atu halo uma ba sira, iha fatin ou rai neebe maka sira iha.

Nia hatete, ba sira neebe maka hela iha fatin risku dejastres nian, hanesan iha mota ninin sira nee labele fo, tanba fatin nee kontinua hela iha risku ba dejastre naturais tanba nee tenki evita hodi haree fatin neebe maka seguru ba sira, nunee sira mos bele hakmatek bainhira mosu tan inundasaun ka dejastres naturais sira.

Iha fatin seluk, vitima inundasaun Margareta Barreto hatete, durante nee sira hela iha fatin sentru vokasaun nee, tanba sira laiha ona uma, i sira nia uma hetan estragus mos husi dejastres naturais.

“Sim, ami nia uma mos hetan estragus husi udan boot foin lalais nee, nee maka too agora ami sei hela deit iha nee tanba atu fila mos fila fali ba neebe, uma laiha nee,” dehan nia.

Nia mos agradese ba governu nia esforsu tomak tanba bele tau sira iha fatin neebe maka simples, maibe hakmatek i seguru tebes ba sira iha tempu kalan, iha mos tempu loron.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: