Uma Kain 700 Resin Sei Afeta Husi Projetu Drainajen Iha Munisipiu Dili

DILI, STLNEWS.co – Prezidente Bee Timor Leste Empreza Publika (BTL-EP), Carlos dos Reis Peloi informa, uma kain hamutuk 700 resin mak sei afeta husi projetu drainajen neebe sei implementa iha Munisipiu Dili.

“Liu husi estudu grupu tekniku lina ministerial bazeia ba despaixu husi Primeiru Ministru lao ona, no identifika iha uma kain hamutuk 700 resin mak sei afeta husi projetu nee wainhira hahu nia implementasaun,” dehan Carlos dos Reis Peloi wainhira akompania Ministru Obras Publikas (MOP) aprezenta planu mestri kona projetu drainajen ba Primeiru Ministru Taur Matan Ruak iha Palasiu Governu, Tersa (25/05/2021).

Tuir nia, dadus ba populasaun sira neebe nia hela fatin afeta ba projetu drainajen nee rekolla ona, no prepara orsamentu para bele fo indiminizasaun ba sira

“Orsamentu ba indiminizasaun ba populasaun sira neebe nia uma afeta husi projetu nee hamutuk tokon US$ 3 resin, dadaun nee sei hein hela dadus neebe kompletu mai husi ekipa lina ministeriais neebe sei aprezenta, enkuantu ho situasaun serka sanitaria no konfinamentu obrigatoriu impede atividade serbisu hotu, nunee dadus sira nee labele aprezenta lalais, maibe espera katak tempu badak sira sei bele aprezenta ona dadus komunidade sira neebe afetadu ba projetu drainajen nee ho klaru,” nia esplika.

Tuir nia, projetu drainajen kuaze implementa iha kapital Dili laran, maibe ho saneamentu, liga liu ba sentru tratamentu Beko iha area Bebonuk nian.

Aleinde nee, Minesteriu Obras Publika ho Bee Timor Leste Empreza Publika (BTL-EP) mos hasoru ona Primeiru Ministru Taur Matan Ruak hodi aprezenta kona ba planu mestri drainajen ba Munisipiu Dili nian, neebe mak konklui ona iha 2019, no iha faze implementasaun sei halao liu husi anunsiu tenderizaun ho orsamentu neebe mak MOP preve ona iha OJE 2021.

Enkuantu projetu drainajen neebe governu sei fo sai mak hanesan projetu ba kanal drainajen, neebe desvia bee tun husi foho Manleu tun ba mota Comoro, bareira satan bee husi foho parte Vila Verde soe ba iha mota Maloa nomos parte Maskarinhas ba iha mota My Friend Balide.

Projetu sira nee iha ona faze tenderizasaun, tanba nee hein katak BTL-EP bele konklui lalais prosesu aprovizionamentu, nunee konstrusaun bele hahu lao ona.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: