Uma Lulik Maka Identidade Timor

Sekretariu Estadu Arte no Kultura (SEAK), Teofilo Caldas hamriik hamutuk ho Fundador João Saldanha University (JSU), João Mariano Saldanha, no Vice MEJD, Antonio Guterres iha Salaun Joao Saldanha University (JSU), Becora, Tersa (23/02/2021). [Foto: STL/Donaciano Magalhães]

DILI, STLNEWS.co – Uma lulik maka hanesan identidade ba Timoroan, neebe beiala sira husik hela mai, atu nunee jerasaun foun kontinua halao too ohin loron.

Lia hirak nee hatoo husi Sekretariu Estadu Arte no Kultura (SEAK), Teofilo Caldas ba jornalista sira, iha Salaun Joao Saldanha University (JSU), Becora, Tersa (23/02/2021).

Tuir Sekretariu Estadu nee katak, iha tinan 2020 lao deit ho rezime duo desimu, foin hetan osan divinativu OJE 2020 preve ba orsamentu rihun 20, para loke tender ba universidade sira atu peskiza kona ba uma lulik.

“Objetivu husi peskiza nee atu detekta kuantidade husi uma lulik no kualidade desafiu, difiluldade saida maka, komunidade sira infrenta wainhira harii uma lulik ida nee maka intervensaun. Hau hatete katak ita preve osan oituan liu tanba tempu, maibe programa sei kontinua iha tinan oin,” dehan nia.

Teofilo afirma, sira nia peskiza nee kobre deit munisipiu 6 maka hanesan Munisipiu Lospalos, Baucau, Viqueque Ermera no Liquica. Ohin sira halo sumariu seidauk produs livru, tanba seidauk kompletu.

Nia esplika, sira nia metodolojia diak maibe valor kultura barak maka seidauk tau. Ezemplu sira dehan kultura no valor maka halibur familia, kesi lia, hakotu lia ba fetosan umane nee partensia balun, maibe barak liu maka sira seidauk kompleta. Lakompleta primeiru maka uma lulik laos fatin tesi lia, uma lulik laos atu hatesi lia, fetosan umane.

“Uma lulik mos fo kontribuisaun ba iha ekonomia, liu-liu ita dezenvolve uma lulik halo diak sai fatin turismo cultural turista vizita fo rendimentu ba familia, tanba lokal neebe sira prepara hela ba, uma lulik ita konsidera konseitu cultural halibur jerasaun ba jerasaun, uma lulik hanesan muzeu tradisional neebe maka ita konserva eransa cultural neebe maka beiala sira husik hela mai ita,” nia tenik.

Nia informa liu tan, sira ladun aproveita tanba ho tempu fulan 3, minimu tenke tinan 2 bele klean. Tanba tenke investiga peskizador sira tun ba terenu, investuga lia nain sira, uma lisan nia historia halo nusa, estrutura lalaok uma lisan halo nusa. Durasaun tenke tinan 2 atu nunee nia bele iha kualidade diak.
Uma lisan hamutuk 195, husi 195 nee sira detekta desafiu, maka balun uma lulik ho modernu i balun uma lulik seidauk halo konstrusaun, tanba difikuldade nee hanesan materia ba SEAK atu preve osan ba tinan oin para nafatin kontinua.

Iha fatin hanesan Fundador João Saldanha University (JSU), João Mariano Saldanha hatete, tempu maka badak ho tan dadus, tanba nee mak seidauk diak los.

“Tuir ita nia hakarak maibe en jeral bele halo konluzaun ona, tanba atu hatete uma lulik sira iha neebe ho lian oin-oin, iha ita nia nasaun nia laran iha munisipiu neen nia laran, ita bele esplika buat balun ona. Maibe ita presiza aumenta tan numeru sampel nia teknik fali ona, para atu bele hetan driver reprezentitavu diak liu tan. Iha nee ami fokus deit ba Mambae, Makasae, Tokodede, Naueti no Fataluku, ita nia lian barak lahalimar maibe tempu latoo limitadu, ami fokus uza lian lima deit,” nia hatete.

Nia hatutan, sira identifika enjeral iha uma lulik ba suku iha postu 12, iha neeba 3800 tuir lian sira neebe intende nee, lainklui uma lulik sira neebe koalia lian seluk neebe iha anosa nia laran nee. Neebe 3800 husi nee sei munisipiu neen tomak, iha altura neebe 1000 resin, laharee ba lian saida-saida inklui postu sira hotu.

“Ita presiza dokumenta valor kultural jeral atu sai identidade nasional, ita atu hetan mos ninia kuantidade espesifiku neebe hirak ahi han, hirak harii fila fali ona no hira mak lakon. Dadus ami kelola seidauk hotu maibe jeral uma lulik ami bele temi ona, agora iha ami nia sampel nee iha area Viqueque Uaturcarbau barak mak sunu,” dehan nia.

Iha parte sira seluk kuaze sunu hotu, maibe balun sunu barak liu no balun oituan deit, numeru iha Viqueque sunu barak liu depois iha tan dadus iha laran. Iha Novembru tuur hamutuk ba lapangan Dezembru, Janeiru depois iha janeiru prosesu data, too agora prosesu finaliza relatoriu.*

Reportajen: Joaninha Belo/Blandina Mauno
Editora: Domingas Gomes

LEAVE A REPLY

Please enter your comment!
Please enter your name here