DILI, STLNEWS.co – Koordenador Organizasaun Movimentu Demokratiku i Patriotiku (UMDP), Avelino Coelho hatete, serimonia ida nee despedida Prezidente UMDP ho Jose Ramos Horta hodi ba asumi kargu Prezidente Republika hafoin eleitu iha eleisaun segunda volta.
Kestaun nee Avelino Coelho hatoo ba jornalista iha sede UMDP, Hudi Laran, Dili, Sabadu nee (14/05/2022).
“Tuir ita nia Konstituisaun Republika Demotika Timor Leste (K-RDTL) artigu 78 hatete, ema neebe povu hili ona ba kaer kargu nudar Prezidente Repblika labele kaer tan kargu sira seluk, hanesn politikus, funsaun politika no mos privadu, tanba ida nee mak konvensaun nasional UMDP neebe hau kordena delibera maun boot Horta nia knaar para bele halao knaar nudar Prezidente RDTL, prezidente ba povu tomak,” hatete nia.
Avelino relata, organizasaun UMDP iha konvensaun neebe regula ninia membru no estrutura sira, relasiona ho Dr. Jose Ramos Horta neebe eleitu ona ba Prezidente Republika ba periodu tinan 2023 – 2027, i konstituisaun artigu 78 mos la fo dalan ba Prezidente Republika atu halao atividade neebe fora husi knaar prezidente.
Kontinua ba pajina 2
