DILI, STLNEWS.co – Prezidente Uniao Nacional dos escuteiros de Timor Leste (UNE-TL), Idelta Maria Rodrigues ho ekipa relata servisu neebe mak sira halo ba iha Prezidente Republika Jose Ramos Horta.
Bainhira remata hasoru malu, Prezidente Uniao Nacional dos escuteiros de Timor Leste (UNE-TL), Idelta ba jornalista iha palasiu Prezidente Kinta kalan (14/09/2023) hatete, ohin mai relata atividade neebe sira iha ba Xefi Estadu.
“Ohin ami mai hanesan Prezidente UNE-TL ho ekipa, ita nia esplorador feto no mane, ita foin daudaun haruka 25 partisipa jambore mundial ba dala 25 iha Korea do Sul, ohin ami mai aprezenta no relata atividade saida mak ami halo, no lisaun saida mak labarik no ita nia oan sira nee hetan no aprende husi neeba,” katak nia.
Nia hatete, iha hasoru malu nee Prezidente Republika mos husu sira atu koalia ho lian ingles, ida nee hanesan oportunidade oinsa prepara oan sira sai lideransa ida neebe mak diak ba iha futuru nasaun Timor Leste.
“Prezidente Republika mos nia disponiblidade atu sai patrono atu halo investura ba patrono nudar Prezidente Republik nudar patrono ba Uniaun Nasional Eskuterus Timor Leste, hanesan mos pais seluk iha mundu,” katak nia.
Iha hasoru malu nee, Prezidente Republika Jose Ramos Horta mos informa ba iha Prezidente Uniaun Nasional Eskuterus Timor Leste no ekipa katak, festival boot neebe mak sei halo tinan oin husu Uniaun Nasional Eskuterus Timor Leste hola parte iha komisaun organizadora atu esplora idea balun neebe iha relevansia iha dezenvolvimentu joven foinsae sira nia iha Timor Leste.
(eme)
