Uniaun Europeia Apoia Projetu Hakbiit Feto

DILI, STLNEWS.co – Uniaun Europeia apoia projetu “Hakbiit Feto”, atu sosialmente no ekonomikamente haforsa feto sira iha Timor Leste.

Liu husi komunikadu neebe mak STL asesu husi media Rede Feto, Sabadu (08/05/2021) hatete, Hakbiit Feto nee projetu ida neebe mak finansia husi Uniaun Europeia. Hakbiit Feto nee projetu foun ida neebe finansiadu husi Uniaun Europeia, no implementa husi Adventist Development and Relief Agency (ADRA) iha kolaborasaun ho Rede Feto no Kooperasaun Austríaka ba Dezenvolvimentu (ADC), ho objetivu atu fortalese Organizasaun Sosiedade Sivíl Timor Oan nian (OSS) atu bele halao operasaun ho efikas hodi apoia dezenvolvimentu no empoderamentu sosial no ekonomika feto sira nian.

Atualmente iha Timor-Leste, obstakulu prinsipal ba feto sira mak nafatin iha kondisaun kiak tebes, kazu violensia domestika neebe akontese beibeik no mos falta rekonesimentu ba feto sira-nia kontribuisaun iha vida polítika, ekonomika no sosial.

Ho doasaun ida husi Uniaun Europeia ho totál USD 869.565 no kontribuisaun husi Kooperasaun Austríaka ba Dezenvolvimentu (ADC) ho totál USD 38.587, ADRA ho Rede Feto servisu hamutuk atu implementa projetu ho durasaun tinan 4 iha munisípiu haat mak hanesan Ainaro, Bobonaro, Baucau no Dili. Inisiativa ida-ne’e sei tulun organizasaun sosiedade sivíl hamutuk 45 hodi kria konxiénsia no inkluzaun jeneru, no mos apoia xefe família feto sira ho atividade produsaun, prosesamentu, komersiu, no mos rai no empresta osan.

Hakbiit Feto nia objetivu prinsipal mak atu empodera feto sira sosialmente no ekonomikamente. Projetu nee sei fornese edukasaun kona-ba agrikultura intelijente ba klimatika, metodu produsaun organika, konesimentu baziku kona-ba negosiu, literaria no numerasaun, fasilita agrikultor sira asesu ba mikro-finansas atu nunee bele asesu ba merkadu.

Iha komunikadu nee Embaixadór Uniaun Europeia nian ba Timor-Leste Andrew Jacobs hatete, igualdade entre feto no mane nee katak feto no mane sira sai hanesan prinsípiu fundamental ida ba Uniaun Europeia.

Ida husi sira nia objetivu prinsipal sira mak asegura igualdade, no ida-nee hanesan batalla importante ida neebe presiza luta hasoru, tantu iha Uniaun Europeia laran ou fora husi Uniaun Europeia. Investe iha empoderamentu iha pakote ekonomiku feto Timor sira nian koloka iha kanal neebe loos ba igualdade jeneru, halakon kiak no kreximentu ekonomiku inkluzivu.

Feto sira fo ona kontribuisaun neebe boot tebes iha Timor nia ekonomia, tantu iha empreza, esplorasaun agríkola, nunee mos iha emprezariu ka empregada no mos iha halo servisu domestiku sira laho pagamentu iha uma.

“Organizasaun sosiedade sivíl sira hanesan ADRA no Rede Feto, normalmente koloka atu halo servisu iha nivel lokál hodi bele loke feto sira nia podér no subliña valor agregadu sira atu feto sira bele hetan reprezentasaun adekuada iha sosiedade. Ha’u sente orgullu tebetebes hodi lansa projetu Hakbiit Feto iha Timor-Leste,” hateten Embaixadór Uniaun Europeia nee.

Entertantu Prezidente Rede Feto Zelia Fernandes dehan, Redi feto iha kompromisiu forte Hodi implementa Projetu nee.

“Rede Feto Timor-Leste iha kompromisiu forte hodi implementa projetu foun ida-ne’e no ami iha konfiansa ba parseiru sira ne’e hotu. Ami agradese ba Uniaun Europeia liu husi ADRA Timor-Leste ba sira-nia konfiansa atu serbisu hamutuk ho Rede Feto iha Projetu Hakbiit Feto,” hateten Zelia Fernandes, Prezidente Konsellu Rede Feto Timor-Leste.

Nunee mos Marcel Wagner, Country Director ADRA Austria hatutan, Feto sira partikularmente sei hetan esperiensia efeitu pozitivu sira husi sira-nia inisiativa nee liu husi iha kbiit atu bele tama merkadu hirak-neebe antes nee taka ba sira no hetan rendimentu ida-neebe konfiavel, auto-sufisiensia/moris rasik, no mos seguransa, ba sira-nia aan rasik nunee mos ba sira-nia oan sira. Konetividade nee hanesan ida husi ADRA ninia valor prinsipal sira.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: