DILI, STLNEWS.co – Misaun Observasaun Eleitoral Uniaun Europeia iha Timor Leste, observa eleisaun prezidensial segunda volta kada estasaun sira iha teritoriu laran tomak lao diak no organizadu.
Tuir Xefi Observador Misaun de Observasaun Eleitoral Uniaun Europeia, Domenec Ruiz Devesa hatete, sira hamutuk ekipa nain 20 neebe mak observa hela iha loron eleisaun ida nee, loron ohin nee sei observa estasaun de votu hamutuk 220 iha teritoriu laran tomak, observa tiha ona.
Nia dehan, buat sira nee hotu halo tiha ona avaliasaun, avalia pozitivamente loos, neebe mak avaliadu tiha ona husi observador sira Uniaun Europeia nian, katak estasaun de votu hotu loke tuir nia tempu. Iha estasaun de votu balu neebe mak haree hanesan ema balu forma hela.
“Oras nee daudaun ami membru Uniaun Europeia nian observa tiha ona estasaun de votu hamutuk 46 iha munisipiu tomak iha Timor Leste, estasaun de votu sira nee hotu ita haree katak, organizadu diak loos ho nia materia eleisaun neebe mak esensial staf sira ba votus neebe mak iha, CNE sira ba halo monitorizasaun mos sira prezente durante estasaun de votu,” tenik Xefi Observador Misaun de Observasaun Eleitoral Uniaun Europeia, Domenec Ruiz Devesa ba jornalista sira iha ESJ 10 Dezembru Dili, Tersa (19/04/2022).
Nia haktuir, konaba prevensaun ba Covid-19 nia sasukat nee halo tuir duni en jeral neebe mak iha, estasaun de votu sira halo tiha ona maibe menus oituan iha liur.
“Observador sira anota tiha ona iregularidade menor ruma neebe mak iha nia prosedimentu sira neebe mak iha, estasaun balu neebe mak iha nia kompaletas neebe mak simu tiha ona la hakerek ka la rekor iha akta neebe mak iha,” nia hakotu.
(mar)