Unidade X-Team Lori Hamnasa Ba Komunidade Maslidun

DILI, STLNEWS.co – Unidade servisu entre X-Team, neebe lidera direta husi lider karismatiku, Kay Rala Xanana Gusmão konsege lori hamnasa no kontente, ba komunidade Tasi Tolu espesialmente iha Maslidun.

Tuir Tekinku Supa Lagoa Dalio Reis katak, ho servisu X-Team, bele asiste tanba komunidade sira kontente ho asaun neebe mak lider karismatiku Xanana ho X-team halao hodi normaliza estrada, normaliza volume bee, tanba nee komunidade sira kontente, hodi fila hikas ona ba horik fatin.

“Ita kontente tebes, tanba kria amizade tebes, neebe lidera direta husi lider karismatiku Xanana Gusmão. Maun boot kria amizade furak tebes, entre komunidade ho ekipa, neebe ita servisu ho kontente, tanba hotu-hotu kolabora kapas tebes”, informa Dalio Reis ba STL, iha lagoa Tasi Tolu, Dili, Kinta (10/06/2021).

Nia dehan, depois X-Team remata servisu iha Tasi Tolu, atu kontinua ba fali iha neebe deit sira hein deit orientasaun husi maun boot Xanana. Neebe depende orientasaun lider nee nian ekipa hein atu ezekuta.

Entretantun observasaun jornalista STL haree katak, X-Team durante fulan 2 nia laran, servisu unidade tebes, hodi lori sai sofrementu komunidade Tasi Tolu, espesialmente iha Maslidun, neebe halerik ba inundasaun tanba akontese anin-fuik seroja iha fulan abril liu ba.

Anin-fuik seroja neebe akontese, halo komunidade barak terus, tanis, hakilar ho lian tristeza, nunee lider karismatiku neebe rona, hodi tun kedas ba iha observa direta, hodi foti kedas desizaun no asaun hodi mobiliza kompania sira hamutuk ho nia ekipa tuun direta ba supa lagoa.

Iha asaun supa lagoa komunidade no juventude sira barak mak ba hamutuk ho ekipa no kompania sira halao servisu voluntariu ho fuan boot, neebe bolu X-Team. Enkuantu servisu X-Team nee laos deit supa lagoa, maibe normaliza estrada, hamoos uma komunidade, inklui hadia uma ba inan feton faluk balun nia uma neebe hetan destroi husi natureza, inklui distribui bee-mos no hahan.

X-Team nia unidade neebe organiza direta husi Xanana Gusmão durante fulan 2, laiha lian barullu ruma ba asaun nee. Enkuantu iha serimonia agredesementu no ensera kultural neebe durante loron 2 tomak iha Sabadu ho Domingu foin lalais nee, Xanana ho Premeadu Nobel da Paz, Jose Ramos Horta halao komboiu haleu Maslidun, neebe organiza husi X-Team. Mesmu akompana husi komunidade kuaze rihun durante loron rua, maibe komunidade sira antusiasmu loos, laiha lian barullu tanba sira expresa domin boot ba aman luta nain nee.*

Reportajen: Guilhermina Franco/Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: