Uniku PNTL-F-FDTL, Lalika Ema Barak Kaer Kilat

Deputadu Bankada Fretilin, David Dias Mandati. (Foto: Facebook Fretilin iha PN)

DILI, STLNEWS.co — Deputadu sira Parlamentu Nasional halo kritika makaas politika VIII Governu autoriza Polisia Sientifika Investigasaun Kriminal (PSIK) importa arma.

Deputadu David Dias “Mandati” Ximenes husi bankada Fretilin dehan kilat úniku instituisaun PNTL ho F-FDTL mak kaer. Tanba nee lakonkorda aumenta ema atu kaer kilat iha rai laran. “Lalika aumenta ema atu kaer kilat, kilat nee PNTL ho FDTL deit mak kaer,” dehan Mandati ba Jornalista sira Kinta (22/10/2020) iha PN.

Nia hatutan mezmu parte PNTL ho F-FDTL deit mak kaer kilat, maibe sei deskontraladu, hanesan publiku kestiona dalaruma kassa fali animal domestika. Dalaruma mos sira tiru la identifika kilat nee husi se, tanba nee tenke estuda didiak, wainhira autoriza PSIK lori kilat, laos ataka sira maibe sira lori formatu Portugal nian.

“Uluk kedas hau dehan katak kuidadu no kontrola armas estadu ka armas povu nian ho diak, tanba konstituisaun mos koalia ida nee katak uniku PNTL ho F-FDTL mak bele kaer kilat. Iha Servisu Investigasaun kriminal (SIK), lori kilat tanba iha PNTL nia okos, tanba nee estatus Polisia Sientifika Investigasaun Kriminal (PSIK) tenke halo definisaun didiak, katak PSIK nee tenke iha tanba la moviliza husi PNTL mak ba iha neeba, para depois hatene ona katak sira nee atu kaer duni kilat tuir duni ita nia konstituisaun,” argumentu David.

Nia dehan autorizasaun PSIK iha kilat keta liu husi dekretu governu, maibe lei ruma seidauk liu husi PN, tanba Timor Leste rai nee kiik, lalikan halo ema barak kaer kilat.

“Lo-loos nee ema hotu iha direitu kaer kilat desde ke kontrola, maibe sera que nesesariu ba ema hotu kaer kilat? Deputadu nee lakohi dehan maluk sira funu iha ailaran, maibe atu fo ezemplu deit katak uluk nia iha villa laran, jornalista sira buka nia i sira sempre aviza katak tenke subar makas, maibe ohin loron lalori eskoltu no lalori kilat.

“Enkuantu kona ba PM konkorda atu PSIK sira kaer kilat, hau atu dehan deit ba PM katak lalikan aumenta ema atu kaet kilat, tanba iha ona PNTL ho FDTL. Hau lakontra maibe karik PSIK tama ona iha instituisaun estadu i sira haree katak bele prontu, maibe hau lakontra PM ho governantes sira maibe hau hanoin katak lalikan halo ema barak kaer kilat” afirma Mandati.

Nia kestiona tanba saida mak ohin loron Timor ukun aan kilat bar-barak, i eskoltu sira nee halo ema atu lao hotu ladiak, se hanoin katak povu mak hili quer dizer domin povu nian iha, ba halo fali eskoltu no kilat iha tan.Dispeza ba estadu hanesan sekretariu estadu, eskoltu, kareta ho tan buat seluk tan nee dispeza ba estadu.

Hanesan mos kaer kilat nee sera que nesesariu/, sera que buat hotu lao laloos ona mak tenke hotu-hotu kaer kilat?, ida nee hotu-hotu tenke hanoin hamutuk tanba haree ba agora inimigu sira fila hotu ona ba sira nia rai.*

Reportajen: Guilhermina Franco/Domingas Soares
Editor: Ekipa STL

LEAVE A REPLY

Please enter your comment!
Please enter your name here