Universidade Produs Lisensiatura Barak, Dezempregu Aumenta

DILI, STLNEWS.co – Kada tinan universidade iha rai laran produs lisensiatura hahu husi ema rihun 12, maibe atu absolve servisu ba ema 15 mill pesoas laos fasil, tan nee apela ba finalista sira atu buka servisu ba an rasik.

“Ita preokupa, tanba kada tinan universidade sira produs lisensiatura barak, dezempregu iha rai laran aumenta ba beibeik, tanba atu absolve servisu ba ema 15 mill pesoas laos fasil, tan nee apela ba finalista sira, buka meus oinsa hodi bele kria servisu ba ita nia an rasik, karik hein atu sai funsionariu estadu nian mak defisil oituan, tan nee graduadus labele hein atu sai funsionariu publiku, maibe buka atu hola parte iha vida emprezarial,” kestaun nee fo sai husi Prezidente Camara Comersiu Industria Timor Leste (CCI-TL) Oscar Lima ba jornalista Kuarta nee (13/10/2021) iha nia knaar fatin.

Nia hatete, finalista sira labele hein deit atu sai  funsionariu publiku, maibe buka atu inklina an iha setor privadu, nunee bele fo fali servisu ba ita nia maluk sira seluk, maibe atu sai setor privadu tenke pasénsia hodi hasoru problema oin – oin neebe atu mosu mai.

Iha parte seluk, reprezentante povu iha uma fukun Parlamentu Nasional, Deputada Jose Virgilio hatete, loos duni kada tinan joven barak mak remata sira nia eskola iha universidade, nomos iha Sekundaria, maibe problema neebe TL hasoru mak susar atu asesu ba servisu.

“Ita haree makina estadu neebe atu fo servisu ba joven sira nee kuaze laiha, setor privadu neebe atu fo servisu ba ema, sira nia atividade labele lao diak, tanba sira mos hasoru hela problema boot, durante Covid-19 halo sira nia atividade paradu, no Timoroan sira neebe naran liu tiha ona atu ba servisu iha rai liur nee, to’o agora seidauk bele ba, tanba Covid-19, tan nee numeru dezempregu iha TL seidauk bele atu rezolve,” dehan deputadu nee.*

Reportajen: Madalena Horta

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...