USAID Dezenvolve Turizmu Ba Ema Hotu

DILI, STLNEWS.co – USAID selebra loron mundial turizmu tinan 2021, ho premiu kampiaun turizmu no embaixadór (a) foin sae turizmu ba ema hotu.

Liu husi tema neebe USAID foti katak, turizmu ba ema hotu, ida nee atu atrai ema hotu bele hola parte, no dezenvolve setor turizmu iha rai laran.

“Hau hanoin sorumotu ida nee importante tebes, tanba ita koalia konaba turizmu ba ema hotu, mak ita tenke fo oportunidade ba ema hotu, liu – liu maluk joven sira oinsa atu aplika, tanba nee mak tinan ida nee ita hili ema nain rua sai hanesan manan nain ka sai hanesan embaxador no embaxadora iha tinan ida nee, hanesan ita asiste tiha ona iha loron 8 fulan Outubru foin lalais nee,” dehan Koordenador Turizmu ba Ema Hotu, Forseca Miranda ba jornalista Kinta nee (14/10/2021) iha Timor Plaza.

Nia hatete, programa turizmu ba ema hotu nee laos foin halo iha tinan ida nee, maibe USAID halo kuaze dala tolu ona, no turizmu kampiaun foin realiza ba dala rua, hahu iha tinan 2020 no 2021, maske turizmu rai liur la mai vizita, maibe turizmu rai laran bele lao nafatin.

Iha fatin hanesan, Diretor Empreza Da Terra Agro Ekological Farm, Fernando Madeira hatutan, Timor Leste rai ida neebe potensial tebes ba area turistiku, tan nee presiza ema hotu nia partisipasaun hodi dezenvolve diak liu tan fatin turistiku sira nee, maibe presiza involvimentu media sira hodi fahe informasaun ba iha Publiku.

“Hau hanoin atu dezenvolve setor turizmu iha rai laran, maka tenke uza deit produtu lokal neebe TL iha, halo  mahon oan ruma iha fatin turizmu nee tenke uza deit au ho duut manlin ou akadiru tahan, ho nunee bele atrai turista sira ba vizita, tan nee jama uza kalen nee labele, no dezenvolve didiak fatin istoriku sira sai fatin turizmu,” dehan diretor nee.*

Reportajen: Madalena Horta

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...