USAID Servisu Hamutuk Ho World Vision Timor Leste & HAI, Halo Lansamentu HVBJ

Igualdade jeneru iha mundu inklui Timor Leste, sei sai obstaklu neebe liga ho lalaok sosiedade patriakal. (Media SEII)

DILI, STLNEWS.co – World Vision Timor Leste, nuudar Organizasaun Naun Governmental (ONG) neebe mak servisu iha area protesaun labarik hamutuk ho Health Alliance Internasional (HAI), halo lansamentu atividade rua harmonia neebe foka liu ba hapara violensia bazeia ba jeneru iha munisipiu Ermera no Liquica.

World Vision hamutuk HAI neebe serbisu iha area saude sei halao atividade rua ho fundus husi USAID ba tinan 3 husi 2020 too 2023 liu husi atividade rua harmonia neebe foka liu ba hapara violensia bazeia ba jeneru iha munisipiu Ermera no Liquica no relasaun saudavel ba futuru livre husi violensia, neebe mak sei halao serbisu hodi enkoraza relasaun saudavel no la ho diskriminasaun iha Munisipiu Covalima.

Iha biban nee Diretor Misaun Dos Estadu Unidos da Amerika USAID James Wright liu husi Diskursu hatete nia orgullu hodi reprezenta Governu Estadu Unidos nia ajensia Estadu Unidos ba Dezenvolvimentu internasional USAID nia programa iha Timor leste.

“Desde nasaun hetan ninia independensia ami servisu hamutuk ho Timor leste nia parseru servisu sira hodi avansa nasaun ninia dezenvolvimentu iha ekonomia sosial.” hatete nia iha Hotel Novu Turismo, Tersa lokraik nee.

Reprezentante Estadu Unidos nee hatutan objetivu importante mak hanesan hodi ajuda aumenta ema nia kapasidade no kapasidade governu Timor leste nia hodi harii nasaun nia Ffuturu neebe diak.

USAID ninia estratejia ba tinan 2021 too 2025, aline ho Timor leste nia planu estratejia nasional ho ninia meta mak inkluzivamente properu no Timor Leste neebe saudavel katak bele hamriik rasik ona.

“Hau kontente tebes hodi hamutuk ho imi lokraik nee hodi bele lansa ami nia atividade foun saude nia rua USAID harmonia ho USAID nia atividade relasaun saudavel ba futuru neebe livre husi violensia.” katak nia

Nia hatutan atividade rua nee konsege realiza realiza tanba iha kolaborasaun neebe efetivu tebes entre Estadu Unidos no Ministeriu Solidaridade Sosial no Inkluzaun (MSSI) hodi halakon violensia hasoru labarik mane labarik feto no feto sira.

Nunee mos Sekretariu de Estadu Igualdade no Inkluzaun (SEII) Timor leste, Maria Jose Da Fonseca Monteiro de Jesus hatete, Timor leste garante direitu no dever neebe mak hanesan ba Timoroan hotu no sei lahalo diskriminasaun ba ema ida ho ema seluk.

“Ita hotu hatene katak violensia bazeia ba jeneru aprova liu ona tinan 10, ita mos iha planu asaun nasional kontra violensia bazeia ba jeneru neebe durante nee redi referal oin oin, neebe halo servisu nee fo apoiu ba sobrevivemtu ba violensia bazeia ba jeneru no violensia domestika uza hanesan matan dalan.” katak nia.

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here