Vasconcelos: Hapara Violensia, Rezolve Uluk Mane

DILI, STLNEWS.co – Xefe Casa Sivil, Francisco Maria de Vasconcelos hatete, atu hapara aktu violensia, primeiru tenke rezolve uluk husi mane ou pelaku.

Xefe Kasa Sivil, Francisco Maria de Vasconcelos hatoo kestaun nee liu husi deskursu bainhira partisipa entrega Tasa Torneiu Basketball iha Palasiu Prezidente, Bairru Pite, Segunda (05/07/2021).

“Violensia laos ita rezolve uluk feto sira lae, ita rezolve uluk mane sira tanba sira nee mak halo violensia, iha tinan hirak liu ba bainhira ema husu hau fasilitador ba jeneru sira dehan feto sira vitima, se feto sira vitima ita rezolve uluk mak pelaku nee, labele ba vitima nee uluk se pelaku laiha vitima mos laiha, se ita apelu ba vitima, pelaku la rezolve, nee sei kontinua forma seluk sei mosu, bele laos fizika mas forma seluk sei mosu,” katak nia.

Xefe Casa Sivil nee hatutan, ba feto sira mos sira labele halo violensia ba malu neebe dala ruma feto balun violensia dupla mane halo tiha violensia ba sira, depois sira ho sira halo violensia ba malu tan.

Iha fatin hanesan, Espoza Prezidente Republika (PR), Cidalia Lopes Nobre Mouzinho Guterres ba jornalista afirma, iha nia intervensaun nia sempre koalia konaba assuntu violensia no violensia nee sempre iha autor.

“Dala ruma iha hau nia intervensaun hau sempre hatete katak violensia hasoru feto nee sempre iha autor ida mak halo, ida nee tantu husi parte balun hanesan Xefe Casa Sivil hatete maibe enjeral nee mane mak halo violensia hasoru feto, no iha mos feto ho feto halo violensia hasoru malu,” dehan nia.

Espoza PR nee hatutan, dala ruma mos violensia feto ho feto hasoru malu no iha mos feto halo violensia hasoru mane, no ida nee tenke koalia klaru katak asaun violensia nee kontra.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: