Veneranda Husu Olinda Estuda Le

DILI, STLNEWS.co – Deputada Bankada CNRT Veneranda Lemos husu ba Deputada Bankada KHUNTO Olinda Guterres, atu estuda le hodi komprende, relatoriu ezekusaun orsamentu Covid-19.

Kestaun nee Veneranda hatoo liu husi intervensaun, iha diskusaun estende EE ba faze da- 9, iha Parlamentu Nasional, Kuarta (30/12/2020).

“Hau sente hakfodak ho intervesaun neebe dehan, labele koalia kona ba orsamentu, se ita koalia kona ba Covid-19, orsamentu Covid-19 nian aprova iha PN, tanba saida maka bankada opozisaun, bankada CNRT labele husu relatoriu ba ezekusaun Covid-19 nian. Se la komprende buka estuda le hodi hatene, la komprede lalika atu partisipa se atu hatoo ema nia kritika nee direitu bankada idak-idak nian, para mais hanesan bankada opozisaun,” dehan deputada nee.

Nia afirma, tanba orsamentu aprova tenke iha relatoriu ezekusaun se laiha relatoriu ita aprova deit. Orsamentu kuandu barak la hatoo relatoriu, aprova deit maka situasaun sai hanesan nee. Tanba nee husu ba deputada ida koalia nee la hatene labele ataka fali ka sente alerzia ho intervesaun bankada CNRT nian. Karik la komprede buka para estuda.

Hatan kona ba ida nee Deputada Bankada KHUNTO, Olinda Guterres hatete, ohin laos koalia kona ba relatoriu, nomos laos koalia kona ba osan.

“Bainhira ita koalia osan ita halai, nee duni ita koalia osan ita tuur hakmatek hodi koalia osan ninian, agora nee ita koalia kona ba Covid-19 neebe maka agora afeta iha Indonezia no iha nee atu tama Oecusse iha ona, no iha Dili mos agora iha,” dehan deputada Olinda.

Nia hatutan, tanba nee husu ba kolega sira mai hamutuk koalia kona ba mensajen neebe PR hatoo mai PN, neebe mai aprova, lalika muda ba muda mai.*

Reportajen: Domingas Soares
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...
%d bloggers like this: