Verdial: Lamenta Aktu Brutalismu Oknum PNTL

DILI, STLNEWS.co – Vise Xefe Bankada KHUNTO, Deputadu António Verdial de Sousa, lamenta ho aktu brutalismu oknum PNTL neebe uza arma povu nian hodi tiru i rezulta sidadaun mate husi seguransa nasaun rasik.

“Hanesan reprezentante povu hau lamenta teb-tebes ho aktu brutalismu husi oknum PNTL, neebe maka uza arma povu nian hodi tiru no rezulta povu mate iha ita nia seguransa nasaun ninian liman rasik,” dehan Deputadu Verdial ba STL liu husi WhatsApp, Sabadu (05/06/2021).

Nia afirma, tuir lolos nia sai hanesan seguransa hodi halo hakmatek povu.

“Maibe realidade hatudu mai ita katak, husi oknum PNTL ida nian hahalok halo povu la hakmatek no estraga instituisaun Polísia Nasional Timor Leste nia naran tomak,” tenik nia.

Nia hatutan, hanesan deputadu husu atu estadu tenke iha vontade politika no brani hola desizaun rigorozu ba asaun brutalismu neebe komete, direta no indireta husi ajente seguransa neebe laiha responsabilidade.*

Reportajen: Domingas Soares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: