Veteranu Involve Iha GAM Sei Kansela Vensimentu

  

DILI, STLNEWS.co – Prezidente Konsellu Kombatentes Libertasaun Nasional (KKLN) Vidal de Jesus kodigu “Riak Leman” hatete, veteranu neebe  mak sei involve iha Grupu Arte Marsiais (GAM) ba Nusa Tengara Timur (NTT) hasae sintu sei kansela nia vensimentu.

“Kazu uluk akontese ona ita nia Maijor Jeneral Falur Rate Laek telefone mai konsellu dehan, veteranu ida tama illegal ba Nusa Tengara Timur (NTT), iha neebe haruka deporta mai, ita sei haree, tanba estatutu KKLN kontra seguransa estadu, se veteranu ida mak kontra seguransa estadu, hau hanoin tenke lakon duni hanesan veteran,” haktuir Prezidente KKLN, Riak Leman ba STL iha nia knaar fatin Caicoli, Sesta (10/09/2021).

Nia haktuir, foin dadauk kazu ida mosu tan, nia haruka Xefe Administrasaun haree iha baze de dadus nia veteranu duni ka lae, nia naran mos iha neeba. Lolos nee veteranu hatudu ezemplar ba ema hotu, laos veteranu ida mak tama sai ilegal nee ladiak, tanba kontra seguransa estadu neebe agora aplika hela Estadu Emerjensia (EE).

“Ita nia forsa Polisia Nasional Timor Leste (PNTL) no FALINTIL Forsa Defeza Timor-Leste (F-FDTL) seguransa makaas iha fronteira para ema labele tama sai ilegal, maibe kaptura sira iha veteranu ida, entaun nee kontra seguransa estadu, hakarak ka lakoi ami sei koalia halo oinsa no sei konsulta mos ministra sira iha ministeriu,” dehan Riak .

Tuir nia katak, tenke suspende tiha ninia pensaun fulan – fulan neebe simu hodi hein prosesu investigasaun, atu husu veteranu sira laos hotu – hotu kala ida ka rua mak tama iha GAM, diak liu iha lei nia okos no estadu ida nia okos.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: