Veteranus Falsu, Sasin Husi Veteranus Asli, PN Husu Investiga

DILI, STLNEWS.co – Mosu veteranus falsu, tanba fasilita husi veteranus asli sira hodi sai sasin, falsifika dokumentu, tanba nee deputadu sira iha Parlamentu Nasional, husu halao investigasaun.

Kestaun nee hato’o husi Marito Mota, Deputadu husi Bankada FRETILIN hatete, hanesan reprezentante povu sente triste, tanba gasta osan barak ba prosesu neebe mak falsifika dokumentus, ikus mai foin rona katak iha 2 mil resin mak veteranus falsu.

“Prosesu nee lao, sei deskobre katak, nee laos veteranus falsu deit mak falsifika, maibe nia mos hetan prova ka sasin husi ema neebe veteranus duni ka asli, tanba nee presiza investiga mos,” katak Mota ba STL Kuarta horiseik (24/11/21) iha PN.

Nia informa, veteranus asli sira fo sasin hodi veteranus falsu sira nee mosu, tanba estadu fakar osan barak ba prosesu neebe mak viola lei.

Nia hatete, posesu nee lao ona, no iha ona tribunal, hein katak laos 2 mil resin nee deit, maibe sei iha tan, tanba ema neebe mak apoiu veteranus falsu hodi sai sasin nee mos sei iha.

Nunee mos Xefe Bankada UDT, Francisco David Carlos katak, tanba veteranus nee, nia akompana husi deklarasaun Taur momentu sei iha ailaran katak, sira rezistensia durante tinan hira nia laran to’o iha tinan 1989, sira iha 600 resin, maibe agora nee veteranus kuaze 200 mil.

Nia lamenta, agora haree ba veteranu sira nee labarik ida moris iha 85 mai leten mos sai veteranu hotu, ida nee labele, tanba nee husu atu investiga ema sira neebe mak servisu iha komisaun omenajen.

(gui/dom)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...