Vice PPN: Feto Nia Luta Hamutuk Ho Mane Hahu 1975

DILI, STLNEWS.co – Vice I Prezidente Parlamentu Nasional, Maria Angelina Sarmento hatete feto nia partisipasaun laos Timor ukun aan nee mak partisipa, maibe emasipasaun feto hahu kedas iha tempu difisil iha Tinan 1975.

Vice PPN nee dehan, feto nia partisipasaun ba luta libertasaun nasional nee ema barak lahatene istoria, hanoin halo emasipasaun ba feto nee hanoin hafoin Timor hetan ukun rasik aan, no lansamentu sira nee lori husi Nasaun Unidas neebe prezensa iha Timor leste nee hanoin neebe mak sala.

“Timor Leste momentu kedas 1975 kuandu invasaun Indonezia hahu iha FRETILIN rasik kria Organizasaun Popular Mulher de Timor neebe nia objetivu atu hamutuk ho mane sira luta ba emanisipasaun feto iha frente tolu neebe harii atu fo apoiu no fo kontinuadade ba ita nia luta rezistensia nia iha Frente Kladestina, Frente Armada, no Frente external,” hatete Vice PPN, Angelina Sarmento ba STL bainhira partisipa iha lansamentu livru Buibere Hamriik Ukun Rasik Aan iha Palasiu PR, Kinta (10/06/2021).

Nia hatutan, prosesu ida nee dezafiu boot neebe mak Timor Leste hasoru mak hotu hotu tenke luta hodi hasoru inimigu militar entau luta ida nee ladun vizibel, no dala ruma sobre sai deit mane hanesan autor ninia partisipasaun da luta mais iha mane sira nia sorin iha feto sira neebe mak determinadu tebes atu apoiu luta.

Iha fatin hanesan Koordenador Comissão de Pesquisa e Elaboração da História da Luta da Mulher Timor, Nuno Rodriguez Tchailoro hatutan, feto nia papel involvimentu desde kedas uluk no emasipasaun feto mosu tantu husi ida nee feto organiza aan, fofoun laiha organizasaun no instituisaun femenino so iha OPMT.

“Feto nia partisipasaun molok kedas Indonezia depois kontinua zona libertada depois kladestina luta armadas nomos diplomatika entau frente hotu feto partisipa prinsipal hotu importante iha luta libertasaun nasional,” tenik Nuno.

Nia hatutan, uluk diferensia tanba mobilizasaun ema barak foun no sai hanesan sujeita ba libertasaun rasik no ida nee feto hotu hamriik, no modelu sira hanesan nee mak presiza tuir katak povu mak sai autor laos sai objetu no feto mak sai autor no laos sai objetu no feto sai autor ba nia libertasaun rasik.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: