Viola Regra, PNTL Prende Motor 60

DILI, STLNEWS.co – Polisia Nasional Timor Leste (PNTL) liu husi Polisia Tranzitu ohin prende motor hamutuk 60 resin, tanba motorista sira laiha karta kondusaun no dokumentus.

Tuir Komandante Polisia Tranzitu Nasional, Superintendente Xefe João Belo katak, atividade pasa revista neebe Polisia Tranzitu halao ba motorista sira nee bazeia ba diretiva operasaun neebe mak komandu PNTL hasai ona.

Atividade pasa revista nee relasaun ho regras Estadu Emerjensia neebe mak iha katak sidadaun hotu neebe mak halao movimentu iha estrada publiku tenki utiliza maskra, nunee bele prevene transmisaun moras Covid-19.

“Operasaun neebe mak polisia halao nee para motorista sira neebe uza estrada tenki kompleta dokumentus motor hanesan karta kondusaun, no aksesoris motor nia tenki ho kondisaun diak, no sidadaun sira neebe mak utiliza motor tuir dalan publiku tenki utiliza maskra nunee regras neebe mak Ministeriu Saude no Organizasaun Mundial Saude neebe hatur ona bele lao tuir,” dehan Superintendente nee iha Kuartal Jeral PNTL, Caicoli, Kuarta (28/04/2021).

Tuir nia, iha operasaun nee konsege rejistu hamutuk 60 resin neebe uza motor no kareta 4, no kareta fuzu bot neebe mak tula sasan no hamosu inseguransa ba utilizador transporte seluk.

“Motor sira neebe ohin polisia prende antes atu devolve fali, sira tenki kompleta dokumentus nesesariu balun neebe iha relasaun ho motor sira nee, no karik identifika sira kontra regras kona ba tranzitu nia, entaun sira tenki ba selu iha banku depois sira bele foti fila fali motor neebe polisia prende,” hakotu nia.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: