Vitima Insendiu Comoro Kontente Ho Prezensa Xanana

DILI, STLNEWS.co – Vitima insendiu iha eis Merkadu Comoro, Estaquio Fernandes afirma, maske hasoru insendiu nee lakon sasan uma laran no la konsege salva buat ruma, maibe sente orgollu ho prezensa lider karismatiku Kay Rala Xanana Gusmão, neebe tun direta iha fatin akontesimentu nee.

Tuir vitima Estaquio Fernandes, akontesimentu halo familia hotu lakonsege salva sasan iha uma laran.

“Ami sente orgollu bazeia ba prezensa lider karismatiku neebe ita bolu Avo Nana, ninia prezensa nomos ninia apoiu maske simples maibe, ami ho kontente. Tanba lider karismatiku Avo Nana tun diretamente ho materi ka sasan fornese ba ami iha fatin nee hodi bele uza kedan,” dehan nia ba STL iha eis Merkadu Comoro, Sesta (30/07/2021).

Nia afirma, husi akontesimentu neebe akontese iha oras tuku 4 Kinta madrugada horiseik, halai sai la salva sasan uma laran ruma, maibe vitima iha eis merkadu Comoro sente orgollu no apresia tebes ba Avo Nana ninia prezensa neebe tun direta iha horseik lokraik, inklui mos husi parte governu nian.

Iha fatin hanesan Xefe Aldeia 05, Egidio Feritas Ximenes hatete, familia uma kain neebe afeta ba insendiu iha lista provizoriu hamutuk 200 resin, agora dadauk kria ona ekipa task force ida tanba nee lista seidauk foti hotu.

Nia tenik relasiona ho apoiu husi parte governu nia, iha horisehik akontese tun kedan, maibe atu apoiu ka la apoiu nee lahatene tanba estadu hatene ona entaun estadu kompotente maka bele hatene, maibe hanesan autoridade lokal nafatin hamutuk ho komunidade vitima sira.*

Reportajen: Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: