Vitima Kazu Asidente Becora, Fila Ona Ba Aman Maromak

DILI, STLNEWS.co – Membru FALINTIL – Forsa Defeza Timor Leste (F-FDTL), neebe hetan asidente trafiku iha Becora, iha loron Domingu (03/10/2021), ohin Kuarta (06/10/2021) iha oras 14:00 OTL, fila hikas ona ba mundu seluk, bainhira halao hela tratamentu intensivu iha Hospital Nasional Guido Valadares (HNGV), durante loron tolu nia laran.

Antes vitima hakotu iss iha loraik, iha dader nee STL sei halo hela intervista ho familia vitima nomos Doutor Intensivista iha sala ICU Hospital Nasional Guidu Valadares (HNGV), vitima seidauk iss kotu, maibe ho kondisaun neebe grave tebes.

Tuir Doutor Intensivista iha sala ICU HNGV, Salvador  Soares da Silva informa,  pasiente oras nee dadauk iha hela ICU, ho kondisaun neebe maka grave, tanba hetan trauma iha kabun parte laran no bele halo infeksaun.

“Ami informa ona ba parte familia no instituisaun F-FDTL kona ba nia kondisaun neebe mak grave, tanba ami halo operasaun neebe mak boot ba iha parte kabun nian, tan nee halo grave,” dehan nia ba STL, iha HNGV, Dili, Kuarta nee (06/10/2021).

Nia hatutan, agora dadauk pasiente uza hela makina ventilador atu nunee fo apoiu ba pasiente dada iis, kona ba nia tensaun lao ho diak, maibe sempre halo nafatin tratamentu seluk hanesan, aumenta ran, antibiotiku ba infeksaun no fo aimoruk neebe mak relasiona ho kanek.

Iha fatin hanesan, Suzana de Carvalho Marques nudar vitima nia inan kiik, hatete, nudar parte familia sira hein deit, tanba agora nia kondisaun seidauk diak no tuir mediku sira hatete pasiente nia kondisaun grave no la estavel.

“Ami hein deit rezultadu husi mediku sira, tanba tuir mediku sira dehan nia kondisaun grave no la estavel,” dehan nia.*

Reportajen: EST-01

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...