Vizita Embaixador Japaun Iha PN, Diskute Futuru Kooperasaun Bilateral

Prezidente Parlamentu Nasional, Aniceto Longuinhos Lopes Guterres. (Foto: STL/Domingas Soares)

DILI, STLNEWS.co – Ohin Embaixador Japaun iha Timor Leste, Kinefuchi Masami, halao vizita hodi hasoru malu ho Prezidente Parlamentu Nasional, Aniceto Longuinhos Lopes Guterres, deskute kona ba futuru kooperasaun bilateral. Nia dehan, reuniaun ida ohin neebe husi Embaixador Japaun ho Prezidente Parlamentu Nasional.

“Apenas koalia relasaun kooperasaun bilateral entre nasaun rua nian, haree konaba asistensia kooperasaun neebe maka halao iha pasadu, nomos bele haree liu tan ba futuru konaba asistensia ou programa ruma neebe bele esplora entre rai 2 nian. Aleinde nee ho objetivu atu haree konaba kooperasaun bilateral entre Parlamentu Timor ho Parlamentu Japaun, oinsa ita haree posiblidade parseria hodi dezenvolve parlamentu rai 2 nian,” dehan Embaixador Japaun ba jornalista sira iha PN, Kuarta (03/02/2021).

Nia dehan, ohin koalia mos konaba oinsa kooperasaun sira nee bele esplora liu tan husi grupu amizade ida nee, Embaixador Japaun antes mai TL hasoru Prezidente ho Sekretariu Jeral grupu amizade parlamentu nian, neebe sira iha komprimisiu no kompermitidu atu halo espansaun ba iha kooperasaun sira iha futuru. Aleinde ida nee, iha Japaun mos establese duni grupu propriu ida ba amizade parlamentar.

“Konaba kooperasaun husi parlamentu TL nia hanoin atu halo espansaun ka habelar liu tan programa ho Japaun, tanba nee Embaixador sei transmiti fali informasaun sira neebe ohin nee ba fali iha Tokyo atu bele haree fali ninia resposta iha futuru,” hakotu nia.

Reportajen: Domingas Soares/ Guilhermina Franco
Editor: Domingas Gomes

LEAVE A REPLY

Please enter your comment!
Please enter your name here