VMI – IOM Aprezenta Sistema MIDAS Ba PM Taur

DILI, STLNEWS.co – Vise Ministru Interior (VMI) no ajensia Internasional Organization For Migration (IOM) enkontru ho Ministru Interior atual Primeiru Ministru Taur Matan Ruak hodi aprezenta sistema elektronika kona ba oinsa halo monitorizasaun ba pasajeiru sira neebe tama husi postu migrasaun nian.

Tuir Vise Ministru Interior (VMI) Antonio Armindo katak, iha enkontru nee xefe governu fo ona orientasaun hodi hadia sistema serbisu migrasaun iha Timor Leste.

“Tanba nee iha aprezentasaun sistema Migrations Information and Data Analysis (MIDAS) neebe apoiu husi IOM nee, Ministru Interior no atual Primeiru Ministru apresia tebes no hakarak hare sistema nee tenki estabelese no lao ba oin nunee apoiu serbisu migrasaun hodi monitoriza pasajeiru sira neebe tama TL liu husi postu migrasaun,” dehan VMI Antonio Armindo hafoin remata enkontru ho xefe governu iha Palasiu governu, Kinta (17/06/2021).

Governante nee realsa, sistema MIDAS nee IOM nian neebe estabelese ona iha nasaun 25, daudaun nee servisu hamutuk ho IOM bele instala mos iha Timor Leste hodi mellora servisu migrasaun.

Armindo hatutan, migrasaun presiza serbisu neebe integradu no labele lao ketak-ketak tanba dadaun nee sistema hotu dijitaliza ona.

Aleinde fundu ba estabelese sistema Migrations Information and Data Analysis nee hetan apoiu finanseira husi governu Australia ho total orsamentu hamutuk tokon US$ 1,5.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: