Volume Bee Iha Lagoa Tun Makas

DILI, STLNEWS.co – Xanana Team (X-Team) ka ekipa Xanana, konsege redus volume bee iha lagoa Tasi Tolu neebe aumenta iha kalamidade foin lalais nee.

Tuir Tekniku Supa Lagoa, Dalio Reis, hatete ho sira nia servisu ba supa lagoa nee agora volume bee tun makas los ona, tanba durante supa bee komunidade sira apoiu tebes hodi koopera, ho nunee sira nia servisu susesu.

“Ba Xanana Team ka ekipa Xanana nian supa Lagoa nee ate agora ami sei eziste nafatin, i husi servisu neebe mak ami halo ita haree volume bee tun makas tebes, neebe komunidade barak mak fila ona ba sira nia fatin,” informa Dalio Reis.

Nia dehan, agora sira sei kontinua supa hodi hein tan too semana ida ka rua, karik laiha problema ba makina sira entaun bele konklui ona. Antes supa bee tarjetu katak semana 2 ka 3 bee bele normal fali, maibe iha prosesu supa bee sira hasoru problema boot, hanesan eletrisidade mate lakan, no mos halo makina sira avaria ida nee impaktu ba sira nia servisu no tarjetu.

Problema mak ahi mate nee, tanba haree ba foin lalais akontese kalamidade nee halo eletrisidade dalaruma problema, nunee ekipa EDTL sira hadia ka instala fila fali, tanba nee mak ahi mate lakan, enkuantu kona ba makina sira avaria tanba dalaruma makina kiik sira servisu durante 24 oras, tanba nee avaria.

Tuir nia, mezmu servisu hasoru problema oin-oin maibe sira lalakon vontade maibe nee provoka tan sira nia vontade atu kontinua halao servisu hodi supa bee.

Nunee mos Xefe Bairru Maslidun Lagoa 2, Manuel Cárceres Correia, katak ho asaun supa bee nee, konsege redus volume bee, tanba balu fila ona ba sira nia uma, mezmu balu seidauk.

Tuir nia, komunidade neebe seidauk fila ba sira nia fatin kuaze 35 xefe familia, ba sira neebe mak fila ona ba uma nee kuaze 50 xefw familia. Enkuantu ba sira neebe mak seidauk fila nee tanba balu mos uma rai monu hanehan.

Observasaun STL haree katak, lider karismatiku Xanana Gusmão kontinua ho nia ekipa supa lagoa, mezmu volume bee tuun makas ona, maibe sei hein too bee normal fali, tanba komunidade balu fila ona ba sira nia uma, maibe balu seidauk, tanba neee kontinua supa bee hodi komunidade neebe afeta ba inundasaun bele fila hikas ba sira nia horik fatin.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: