Vontantes 728.363 Sei Partsipa Iha Eleisaun Suku

DILI – Lakleur tan sei halao eleisaun suku, iha votante 728.363 (Sete Centos Vinte Oito Mil Tres Centos Sesenta i Tres), mak sei partisipa iha eleisaun suku, tanba nee ema hotu sei ezerse sira nia direitu hodi halo votasaun tuir ida-idak nia kartaun eleitoral.

Informasaun nee hatoo husi Diretor Jeral Stae Alcilino Manuel Branco hatete, eleisaun suku sei monu iha dia 29 Outubru agora, neebe nia husu karik sidadaun sira neebe mak namkari hela iha fatin-fatin Timor laran, karik halao hela atividade ou servisu no halo estudu, maibe too loron votasaun nian ida-idak fila ba nia fatin rezistu eleitoral nian atu nunee hodi vota, neebe dadus neebe mak Stae iha ona ba votantes eleisaun suku nian iha 728.363.

Prosesu durante nee lao hela, neebe ita iha ona dadus ate 31 fulan Augustus foin liu ba nee iha ona votantes Sete Centos Vinte Oitu Mil Tres Centos Sesenta i Tres, husi total votantes sira nee mak sei bele ezerse sira nia direitu atu vota iha eleisaun suku, maibe tuir hatete ona katak ema ida-idak tenke vonta tuir fatin neebe mak kartaun eleiral nian neebe mak nia rezistu ba,” katak Alcilino ba Jornalista Segunda (03/10/2016) iha Stae Caikoli.

Tuir nia resensiamentu ba Timor oan sira iha rai liur oras nee teknikamente sei finaliza hela koordenasaun ho Ministeriu Negosiu Estanjeirus, neebe iha tempu barak Ministeriu Negosiu Estranjeirus sei fornese ba STAE ofisial resensidora sira iha rai liur. Atu nunee fasilita informasaun ruma ba sira depois de formasaun sei distribui ekipamentus sira ba rai liur, depois mak foin hahu prosesu resensiamentu.

Iha parte seluk, Xefi Suku Caikoli Hiplito Marques hatete, haree ba eleisaun agora nee besik ona, neebe atu determina feto ka men saib lider lokal tuir suku ida-idak nee primeiru husi votantes sira. Informasaun kompletu iha STL Jornal no STL Web, edisaun Tersa (4/10/2016). Guilhermina Franco/Jacinta Sequeira

LEAVE A REPLY

Please enter your comment!
Please enter your name here