Vota Abstensaun Myanmar, TL Laiha Sentimentu Humana

DILI, STLNEWS.co – Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu humana no solidariedade ba povu Myanmar.

Akademista Universidade Dili (UNDIL) atual Vice Reitor III, Hugo Lourenço da Costa hatete, desizaun ba abstensaun nee hatudu katak, TL lakon espiritu universal no defende direitus humanus e kontribui moral ba aktus rejime ditadura ida neebe akontese iha nasaun Myanmar.

“Votus abstensaun hatudu katak, ita nuudar nasaun ida iha mundu internasional neebe laiha sentimentu humana e solidariedade ba povu myanmar,” dehan nia ba STL liu husi telefone, Sesta (25/06/2021).

Nia dehan, bainhira prosesu ba auto determinasaun, iha nasaun barak tebes mak fo apoiu no kondena aktu violensia neebe mak Indonezia halo iha Timor, liu liu kazu violasaun ba direitus humanus neebe mak selebra kada tinan hanesan iha loron 12 de Novembru.

“Ita nia lider rua hanesan Dom Carlos Filipe Ximenes Belo no Jose Ramos Horta manan iha Nobel da Paz, tanba luta no defende direitus humanus no luta ba ukun rasik an,” dehan nia.

Nia hatete, bainhira hamrik nuudar nasaun independente Timor Leste ratifika konvensoens internasional lubun inklui direitus humanus. Timor-Leste iha funda g7+ neebe ninia objetivu harii pas no estabilidade iha nasaun post conflict.

Iha fatin seluk antes nee, Ministra Negosiu Estranjeiru no Kooperasaun (MNEK), Adaljiza Magno hatete, Timor Leste vota abstensaun ba kazu violasaun direitu umanus iha Myanmar hatudu konsistensia politika externa Timor Leste nian neebe desde 2010 too agora.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: