DILI, STLNEWS.co – Juventude Pedro Ramos Ribeiro hatete, sidadaun hotu-hotu ohin ba tuir votasaun hodi hili Prezidente foun, tanba nee votu ohin loron mak sei desidi estadu no nasaun nia distinu ba tinan 5.
“Hau hanesan sidadaun hau senti orgulhu ohin loron ezerse ona hau nia direitu, ita nia votus nee hanesan determinasaun ba estadu no nasaun nia distinu ba tinan 5, ho nunee mak hau nudar sidadaun ezerse ona hau nia direitu,” dehan Pedro ba jornalista sira iha Sentru Votasaun ESG 10 Dezembru, Dili, Tersa nee (19/04/2022).
Nia dehan, votu ohin nee segredu ba sidadaun hotu-hotu, kandidatu ida neebe nia rezultadu diak no manan, nia povu tomak nia prezidente.
“Ami husu ba kandidatu nain 2 ida neebe mak eleitu, tenki ukun ho laran no sai prezidente ba povu tomak, ida nee mak nudar sidadaun nia hakarak,” katak nia.
(mar)