VPM – MS Aprezenta Ba KM Funsionamentu Sertifikadu Vasinasaun

DILI, STLNEWS.co – Vise Primeira Ministra no Ministra Solidariedade Sosial no Inkluzaun, Armanda Berta dos Santos no Ministra Saude Odete Maria Freitas Belo, hanesan Prezidente no Vise Prezidente respetivamente, husi Komisaun Interministerial ba Elaborasaun no Koordenasaun Ezekusaun Planu Vasinasaun kontra Covid-19, halo ona aprezentasaun ba Konsellu Ministrus, konaba prosesu implementasaun no funsionamentu sertifikadu vasinasaun eletronika nian.

Tuir Ministru Prezidensia Konsellu Ministru (MPKM) Fidelis Leite Magalhaes katak, aprezentasaun nee konaba mekanismu rejistu ba sidadaun sira, neebe mak simu ona vasina atu iha plataforma eletronika ida neebe mak bele fiar, no ajuda ema bainhira simu ona vasina.

“Ho mekanismu atual nee ladun seguru, tanba bainhira akontese indundasaun ruma ahi haan uma, karatun bele lakon tia, Maibe ho eletroniku nee, tau iha data base no bele komfirma, nomos bainhira halo viajen internasional ruma bele halo komfirmasaun liu husi aplikasaun neebe rai iha telelfone, katak ema nee simu ona vasina iha Timor Leste,” dehan Ministru Fidelis hafoin remata enkontru KM iha Palasiu Governu, Dili, Kuarta nee (22/09/2021).

Aleinde nee, Sistema nee lansa ona, iha loron 10 fulan Junu liu ba, iha altura neeba halo lansamentu ba doze daruak vasinasaun kontra Covid-19, no funsiona liu husi aplikasaun ba telemovel RSETL, husi Programa Saude Familia nian. 

Plataforma nee kontein rejistu vasinasaun kontra Covid-19 nian, no funsiona mos hanesan komprovativu ba realizasaun viajen husi munisipiu sira, neebe abranje hela iha Serka Sanitaria (SS).

Nunee mos, iha reuniaun KM nee, responsavel sira husi Elaborasaun no Koordenasaun Ezekusaun Planu Vasinasaun kontra Covid-19, halo mos aprezentasaun ida konaba preparasaun implementasaun vasina Pfizer nian iha territoriu nasional, neebe hodi permite vasinasaun foin sae sira ho idade husi tinan 12 too 17.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...