WFP Apoiu Tenda 220 Too Ona Dili

DILI, STLNEWS.co – Aviaun My Jet Xpress ho marka 9M-NEY, Sabadu lokraik nee maizu menus 14:30 OTL, transporta ona apoiu humanitaria husi Malazia, hanesan tenda hamutuk 220 neebe apoiu husi World Food Programme (WFP).

Tuir Direitor Jeral Sekretariu Estadu Protesaun Sivil, Superintendente Ismael Babo katak, aviaun My Jet Xpress transporta ona tenda hamutuk 220 husi Malazia neebe governu Australia fo liu husi World Food Programme.

“Ohin lokraik nee aviaun My Jet Xpress transporta ona tenda hamutuk 220 husi Malazia mai Timor Leste, no apoiu nee governu Australia fo liu husi World Food Programme, neebe nia baze iha Malazia,” dehan Direitor Jeral SEPS, Superintendente Ismael Babo iha Aeroporto Internasional Nicolau Lobato, Sabadu (08/05/2021).

Foto: STL/Alberto Menezes

Nia dehan, tenda sira nee sei apoiu ba vitima sira neebe nia uma hetan estragus total husi inundasaun neebe akontese iha loron 4 fulan Abril liu ba.

“Tenda sira nee governu sei distribui ba populasaun sira neebe mak nia uma hetan estragus total husi inundasaun neebe mak akontese iha loron 4 Abril liu ba, nunee sira uza provizoriu hela ba too hein rekoperasaun husi governu,” dehan nia.

Tuir nia, tenda hamutuk 220 nee governu sei tau prioridade liu ba populasaun sira neebe nia uma hetan estragus iha munisipiu Dili, Enkuantu munisipiu seluk wainhira iha apoiu adisional ruma governu sei haree hodi apoiu populasaun sira neebe nia uma hetan mos estragus iha loron 4 Abril liu ba.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...