WPF Apoiu Laptop 10 Ho Printer 4 Ba RTTL.EP

DILI, STLNEWS.co – Programa Ai-Han Mundial World Food Programme (WFP), liu husi Ministru Asuntu Parlamentar no Komunikasaun Sosial (MAPKOMS), oferese ekipamentus tekniku nian hanesan laptop sanulu (10) ho printer haat (4) ba Radio Televizaun Timor Leste (RTTL) empreza publika, atu bele fasilita servisu jornalista nian.

“Intermus de ekipamentus neebe WFP entrega ba MAPKOMS, hafoin entrega ba RTTL,EP mak hanesan laptop iha sanulu (10), Printer iha haat (4), no ekipamentus ida nee laos barak liu, maibe bele fasilita ona servisu iha neeba, no bele ajuda ona jornalista sira nia servisu,” dehan Diretor Nasional WFP iha Timor Leste, Dageng Liu, hafoin entrega ekipamentus iha Gabinete MAPKOMS, Tersa nee (21/09/2021).

Nia hatutan, orsamentu neebe sosa ba ekipamentus hirak nee hamutuk rihun US$ 16 ba leten, no ida nee hanesan buat kiik neebe mak oferese dahuluk, maibe importante mak oinsa atu servisu hamutuk diak liu tan iha futuru, i halo advokasia nomos fahe informasaun no mensajen ba iha intermus de parte nutrisaun nia.

Iha fatin hanesan, Ministru Asuntu Parlamentar no Komunikasaun Sosial, Francisco Martins Jeronimo, agradese ba apoia ekipamentus husi WFP neebe oferese ba RTTL.EP, tanba bele fasilita no hakmaan servisu jornalista sira nia, no ohin bele fo informasaun ba inan no labarik sira iha territoriu tomak relasiona ho nutrisaun.

“Agradese wain tebes ba ekipamentus hirak nee, tanba ida nee hanesan kooperasaun dahuluk nia entre WFP ho média, atu servisu hamutuk diak liu tan iha futuru, no ida nee mos meius ida neebe bele fo sai informasaun konaba programa merenda eskolar nia, no nutrisaun diak ba inan no labarik i família sira iha territoriu tomak” dehan MAPKOMS.

Tanba labarik sira presiza tebes nutrisaun, no oinsa TL bele hamenus mal nutrisaun, entaun buat sira nee hotu sai programa WFP nian.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...