Xanana – Bombeirus Oferese Bee Mos Ba Vitima Inundasaun

DILI, STLNEWS.co – Xanana Gusmão hamutuk ho bombeirus no NGO balu fornese bee mos ba vitima inundasaun iha lagoa Tasitolu.

Cláudio da Silva, Diretor Nasional Bombeirus hatete, hanesan ema hotu akompana situasaun hahu iha dia 4 Abril liu ba akontese inundasaun neebe afeta ba komunidade sira liu-liu iha Dili, ba komunidade sira iha Lagoa Tasitolu.

Nunee iha dia 17 Abril forsa defeza sira halo handover entrega ba protesaun sivil, hodi halo atendementu intensivu ba komunidade sira neebe afetada sira.

“Komunidade sira nee afeta ba inundasaun, halo sira susar tebes ba nesesidade bazika liu-liu mos ba bee mos. Mezmu defisil atu transporta bee mos ba sira maibe nafatin buka meius hodi oferese bee mos ba komunidade sira. Ami, bombeirus hamutuk ho entidades sira hanesan BTL hamutuk ho entidades sira seluk ami nafatin halao servisu servisu hamutuk hodi atende ba komunidade sira”, katak Claudio ba STL, Domingo (02/05/2021) iha Maslidun, Tasitolu.

Xanana ho komunidade sira iha lagoa Tasitolu. (Foto: STL/Donaciano Magalhães)

Nia dehan, agora dadaun nee husi parte BTL mos koloka ona tanki iha lagoa ninin sira nee, maibe sei iha difikuldade oituan tanba ahi forsa latoo atu hodi dada bee.

“Mezmu ami tenta oferese bee nee liu husi transporta iha bero, maibe komunidade sira mos nafatin esforsu hodi ba dada deit bee ho masa bainhira ense tiha sira kesi ho fiu hodi dada husi bee laran, tanba moris neebe ami halo liafuan sufisiente, atu atende hotu bee mos ba komunidade sira”, nia tenik.

Maibe tuir nia, sira ekipa nafatin standby iha terenu hodi apoiu komunidade sira, bele Sabadu no Domingo mos nafatin firme, neebe sira nafatin iha neeba hodi apoiu komunidade sira.

Entretantu observasaun STL haree katak, Xanana Gusmão aleinde organiza kompania supa bee iha Lagoa nee, nia mos buka esforsu hamutuk ho bombeirus sira, no NGO balu apoiu bee mos inklui halo vizita mos ba komunidade sira neebe sei hela iha baraka neebe dada lona hodi hela.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mental Health https://youtu.be/Ow3-hgXPryE Ministério dos Assuntos Parlamentares...

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...
%d bloggers like this: