Xanana Borong Modo Fahe Ba Komunidade Tasi-Tolu

DILI, STLNEWS.co – Lider nasional Kay Rala Xanana Gusmão kontinua observa bee iha lagoa Tasi-Tolu, aleinde nee nia sosa mos modo iha gerobak, hodi fahe ba komunidade Tasi-Tolu.

Tuir observasaun STL nian iha terrenu katak, Xanana kontinua observa bee iha lagoa Tasi-Tolu, aleinde observa bee, nia mos anima labarik kiik sira no sosa mos modo, husi gerobak hodi fahe ba komunidade sira neebe hela iha area Uma Adat Tasi-Tolu. Ferik, katuas, joven no labarik kiik sira kontente hodi simu modo husi lider nasional nee.

Xanana bainhira too iha fatin ida, nia sempre borong ema nia modo hodi fahe ba povu kiik sira. Lider nasional nee mos sosa labarik sira nia hahan ringan (snack) hanesan dosi no rebusadu hodi fahe ba labarik kiik sira, neebe hobur tuir nia.

Alenide borong modo tahan ho Ikan, Xanana mos hola nuu iha kareta roda tolu hodi fahe ba komunidade refere.

Asaun karidade neebe lider nasional halo ba komunidade sira nee, laos ohin deit, maibe kuaze bebeik ona bainhira lider nee tun ba vizita komunidade afetadu ba inundassun, nia sempre hola kedas nesesidade balun hanesan modo, mina, nomos nesesidade bazika seluk hodi fahe ba povu sira, lider nee sosa mos dosi hodi fahe ba labarik kiik sira.

Hafoin remata fahe modo no fahe dosi ba labarik kiik sira, Xanana fahe mos kamizola ba jornalista sira neebe durante nee halao kobertura ba atividade Tasi-Tolu.*

Reportajen: Madalena Horta/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: