Xanana – Ekipa Hahu Aruma Sasan Iha Lagoa

DILI, STLNEWS.co – Lider karismatiku, Kay Rala Xanana Gusmão ho ekipa hahu aruma ona sasan, hanesan mangeira, makina neebe hodi supa redus volume bee, inklui normaliza estrada Maslidun, tanba akontese inundasaun iha loron 4 fulan Abril liu ba.

Tuir Tekniku Supa Lagoa Dalio Reis katak, X-Team ho maun boot Xanana, hahu aruma ona sasa no normaliza hikas bee dalan neebe kee hodi kanaliza bee, tanba volume bee lagoa fila hikas ona ba normal.

“Ohin kompleta fulan 2, neebe ita lembra fali fulan 2 ba kotuk iha loron 10 Maiu mobiliza malu ba supa lagoa nee, no ohin dia 10 Junu, sira hahu aruma fila fali sasan sira hanesan makina, mangeira nunee mos normaliza fali rai neebe ita kee hodi kanaliza bee”, katak Dalio, ba STL, iha Lagoa Tasi Tolu, Dili, Kinta (10/06/2021).

Nia hatete, normaliza bee dalan neebe, antes nee kee bee hodi monta makina, hodi kanaliza bee tasi, tanba nee rai sira nee halo kaber fali, no mangeira sira aruma no fase, tanba tuir planu Sabadu nee hahu husik ona fatin lagoa nee.

Entretantu tuir obeservasaun jornalista STL iha terenu haree katak, volume bee lagoa neebe mak aumenta iha loron 4 fulan Abril liu ba, maibe oras nee fila hikas ba normal, tanba lider karismatiku Xanana ho ekipa redus liu husi asaun supa durante fulan 2, hahu iha loron 10 fulan Maiu mai too 10 Junu. Maibe antes supa lagoa nee halao uluk serimonia kultural loke bee dalan iha loron 9 Abril, nunee supa mai too iha loron 5 Junu, halao enseramentu kultural, depois iha loron 10 Junu kompleta fulan 2, sira aruma hikas ona sasan, tanba volume normliza ona.*

Reportajen: Guilhermina Franco/Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: