Xanana Fahe Hahan Ba Komunidade Maslidun

DILI, STLNEWS.co – Lider karismatiku Kay Rala Xanana Gusmão fahe hahan ba komunidade sira neebe vítima ba inundasaun iha Maslidun, Tasitolu.

“Durante prezensa Avo Nana mai iha nee hodi lori hahan mai fahe, no mos lori dosi mai fo ba labarik, no inklui mos bee mos. Maibe atu dehan durante nee ami susar liu mak bee mos, durante nee avo hamutuk ho ekipa bombeirus no NGO balu lori mai, maibe ladun sufisiente tanba populasaun barak liu,” haktuir komunidade neebe vítima ba inundasaun, Serafim da Cruz ba STL, Segunda (03/05/2021) nee iha Maslidun Tasitolu, Lagoa 1.

Nia dehan, bee mos lasufisiente tanba nee komunidade sira kesi masa hamutuk hodi ba kuru bee iha Uma Adat depois dada deit husi Lagoa laran. Tanba nee sira husu governu nia apoiu ba sira iha tempu ida agora, liu-liu ba bee mos, atu nunee hodi fasilita netik sira, tanba Avo Nana ho ekipa bombeirus no NGO sira oferese ona, maibe lasufisiente tanba populasaun numeru barak.

Entretantu observasaun STL haree katak, bainhira lider karismatiku nee mosu deit ho Bero iha Lagoa laran, komunidade sira hahu husi kiik, joven too ferik katuas hakilar hasoru lider nee ho hamnasa no kontente, hodi mai hasoru lider nee.

Enkuantu hahan neebe Xanana Gusmão fahe hanesan modo, mina, dosi, ho hahan sira seluk tan, neebe komunidade sira konsumu lor-loron.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: